Тексты
Вернуться к списку | редактировать | удалить | Создать новый | История изменений | Статистика | ? Помощь
Iisussan Hristossan hyvä käškyläini
Iisussan Hristossan hyvä käškyläini
карельский: собственно карельское наречие
Новописьменный севернокарельский
6 Kun
näin opaššat vellijä , olet hyvä Hristossan Iisussan käškyläini . Šie iče niise šuat voimua ušon ta oikien opaššukšen šanoista , kumpasien mukah olet elän .
7Jumalattomie ta tyhjänpäiväsie starinoja elä kuuntele , vain totuta iččeš oikieh uškoh . 8 Runkon harjottelušta on vain vähäsen hyötyö , ka oikiešta ušošta on hyötyö kaikkeh , šentäh kun še lupuau elämän nykyseššä ta tulijašša ajašša .
9Tämä šana on tosi ta še kannattau ottua vaštah .
10 Šitä vaššenhan myö ruamma ta käršimmä ahissukšie , kun panima toivon eläväh Jumalah , kumpani on kaikkien ihmisien Pelaštaja , šemminki uškojien .
11 Näitä as's'oja neuvo ta opašša .
12Kenkänä ei šua vähekšie šilma nuoren ijän tähen . Ole uškojilla mallina pakinoissaš ta elämäššäš , toisien tykkyännäššä , henkeššä , ušošša ta puhtahuošša .
13Luve uškojakunnalla Pyhie Kirjutukšie , neuvo ta opašša šini , kuni mie en tule .
14Elä jätä käyttämättä šitä henkellistä lahjua , kumpasen šait Jumalalta tullehen viessin kautti , konša uškojakunnan vanhimmat pantih käteh šiun piällä .
15Pie huolta täštä kaikešta ta rua aina näin , jotta kaikin nähtäis šiun eistymini .
16Kačo tarkkah , mitein elät ta mitä opaššat . Pie kiini näistä neuvoista ! Šilloin pelaššat iččeš ta ne , ket kuullah šilma .
Iisussan Hristossan hyvä käškyläini
карельский: собственно карельское наречие
Новописьменный севернокарельский