Тексты
Вернуться к списку | редактировать | удалить | Создать новый | История изменений | Статистика | ? Помощь
Keštäkkyä loppuh šuate!
Keštäkkyä loppuh šuate!
карельский: собственно карельское наречие
Новописьменный севернокарельский
1Mie
vakotan šilma Jumalan ta miän Hospotin Iisussan Hristossan nimeššä , Hänen , kumpani tulou suutimah elävie ta kuollehie . Hiän tulou ta ottau vallan , ta šentäh mie vakotan šilma : 2šanele Hyvyä Viestie . Rua šitä työtä šopivah ta šopimattomah aikah . Kiruo riähistä , kiellä ta neuvo aina käršivällisešti opaštuan .
3Tulou niätšen aika , konša ihmiset ei voija šietyä tervehtä opaššušta , vain eletäh omie himoja myöte . Hyö kerätäh ympärilläh opaštajie , kumpaset paissah šitä , mitä hyö tahotah kuulla . 4Hyö typetäh korvat tosišanomalta ta kiännytäh kuuntelomah starinoja .
5A šie pie aina iččieš kurissa , keššä vaivat , šanele Hyvyä Viestie ta rua kunnolla šiula annettu työ .
6 Miun elämän viimesie pisaroja jo valutetah uhriksi alttarilla , miun lähön aika tuli .
7Šojin hyvin ušon puolešta , pijin puolieni loppuh šuate ta šäilytin ušon . 8Šiitä hyväštä miula on nyt varuššettu oikien elämän palkakši voittajanvenčča . Šen antau miula Hospoti , oikiemielini Sut'ja , omana tulentapäivänä . Eikä vain miula yhellä , kun kaikilla , ket ikävöijen vuotetah Hänen jiäviytymistä .
Keštäkkyä loppuh šuate!
карельский: собственно карельское наречие
Новописьменный севернокарельский