Тексты
Вернуться к списку | редактировать | удалить | Создать новый | История изменений | Статистика | ? Помощь
Muailman yštävä on Jumalan vihamieš
Muailman yštävä on Jumalan vihamieš
карельский: собственно карельское наречие
Новописьменный севернокарельский
1Mistä
tiän joukošša nouššah kiissat ta riijat ? Mistäpä muušta kun tiän pahoista himoista , kumpaset šojitah tiän runkošša .
2Työ himoiletta , vain että šua šitä , mitä tahotta . Työ tapatta ta kajehitta , ka kuitenki että šua šitä , mitä himottau . Työ riitelettä ta šojitta , ka mitänä että šua , šentäh kun että kyšy .
3Ta vaikka kyšynettä , niin että šua , šentäh kun kyšyttä pahah tarkotukšeh , omien himojen täyttämiseh .
4Voi teitä , kumpaset kiäntyjä pois Jumalašta ! Ettäkö tiijä , jotta ken tykkyäy muailmua , še vihuau Jumalua ? Ken tahtou olla muailman tovarissa , še tulou Jumalan vihamiehekši .
5Vain smietittäkö , jotta Pyhissä Kirjutukšissa on tyhjäh šanottu näin : "Jumala tahtou yksin omata šen henken , min on meih pannun ".
6 Kuitenki vielä šitäki šuurempi on še armo , min Jumala antau . Šiih nähen Pyhissä Kirjutukšissa šanotah näin : – Jumala on ylpeitä vaštah , ka nöyrillä Hiän antau armon .
7 Šentäh taipukkua Jumalan tahtoh , a juavelie vaššuštakkua , niin še pakenou teistä .
8Läheštykkyä Jumalua , niin Hiän läheštyy teitä . Riähkähiset , puhistakkua kiät ! Kakšimieliset , puhistakkua šytämet !
9Murehtikkua omua kurjutta , itkekkyä ta valittakkua ! Muuttukkah tiän nakru murehekši ta ilo apiekši .
10Olkua nöyränä Hospotin ieššä , niin Hiän noštau tiät .
Muailman yštävä on Jumalan vihamieš
карельский: собственно карельское наречие
Новописьменный севернокарельский