Тексты
Вернуться к списку | редактировать | удалить | Создать новый | История изменений | Статистика | ? Помощь
Zinaida Dubinina. Lumikniigu
Zinaida Dubinina
Lumikniigu
карельский: ливвиковское наречие
Новописьменный ливвиковский
Jälgie
se , jälgie lumel .Et kerras ellendä , midä täs oli .Hurual čural tuhjon ual algau jänöin jälgi .Tagakäbälän jälgi on pitkäččy , ezikäbälän – pyöryžy , pieni .Juoksou jälgi pelduo myö .Rinnal toizet jället , suurembat ; lumel kynzien ragozet – reboin jälgi .A toizes čuras jänöin jälgii vie jället , sežo reboin , vai vietäh järilleh .
Kunne meni reboi ?Opimmo sellittiä jället .
Seizou tuhjo .Oksat kuoritettu , lumi ualpäi polletettu .Jänöin ruado .Täs jänöi söi , kuoritti oksii .Nouzou tagakäbälil , riuhtuau palan kojua hambahil , syöy , sit toizes oksas ottau .Söihes da lähti huogavundusijua eččimäh , kunne vois peittyö .Meni čuassu , toine .Astuu reboi .Kaččou : jänöin jället pellol .N’uusti reboi , jället verekset . Lähti juoksemah jälgilöin myödäh .Reboi on ounas , ga ei ni jänöi ole tolkutoi : maltau jälgilöi peittiä .Hyppi , hyppi pellol , juoksi ymbäriheze , omis jällis piäliči da bokkah .
Reboi juoksi , juoksi , kaččou : bokkah vietäh verekset jället .Ei hoksannuh , jänöi pelt’an luadi .Lähti reboi sidä bokkujälgie myö , juoksou , juoksou , seizatui : endizih jälgih tuli .
A se jänöi iččeh endizii jälgilöi myö meni järilleh .Hyvin matkai , jälgi jälgeh .
Seizou reboi kodvazen da järilleh ristujälgilöih tuli .Nikunne jället ei vietä , muanitti jänöi .Juoksi reboi meččäh .A jänöi matkai , matkai omua jälgie myö da hyppäi bokkah kivokses da tuhjos piäliči da vieri rizutukun alle .Sie virui , kuni reboi juoksendeli jälgilöi myöte .
Lumikniigu
карельский: ливвиковское наречие
Новописьменный ливвиковский