Тексты
Вернуться к списку | редактировать | удалить | Создать новый | История изменений | Статистика | ? Помощь
Viäristelijät opastajat da heijän suudindu
Viäristelijät opastajat da heijän suudindu
карельский: ливвиковское наречие
Новописьменный ливвиковский
1 No
oli Izrail՚an rahvahan keskes niilöigi , kudamat vai heiteltihes Jumalan iänenkandajikse . Muga teijängi joukkoh tulou valehopastajii . Hyö peitoči tuvvah teijän keskeh valehopastandoi , kudamat hävitetäh teidy . Hyö kieldävytäh Ižändäsgi , kudai heidy omal verel osti omikse . Sil hyö terväh suajah ičelleh surmu .
2 Äijät lähtietäh heile jälles vällillisty elaigua elämäh . Heijän täh toven dorogu rodieu kirottu .
3 Hyö ollah rakkahat d՚engah i opitah hyödyö teis paginoil , kudamat hyö iče keksittih . Jo ammui heih niškoi kačottu suudo on väis , hävitys vuottau heidy .
4 Ni anheliloi , kudamat luajittih riähkiä , Jumal ei žiälöinnyh . Häi lykkäi heidy sivottuloinnu uavun pimieh vuottamah suuduo . 5 Häi ei žiälöinnyh vahnua muailmua , da andoi viennouzendale tulla jumalattoman muailman piäle , no Noin , oigien elaijan sanelijan , Häi piästi , da piästi vie seiččie muudu . 6 Jumal suudii Sodoman da Gomorran linnat , polti net tuhkakse . Nenga Häi andoi merkin sit , midä tulijoil aijoil rodieu jumalattomile . 7 No Häi piästi oigien Lotan , kudamal vaččua tuskai jumalattomien vällillizen elaijan täh . 8 Tämä oigeihengi ristikanzu joga päiviä tirpi muokkua omas puhtahas sydämes , gu heijänke eläjes hänel pidi kaččuo da kuunnella heijän jumalattomii ruadoloi . 9 Ga sit Ižändy voibi piästiä muanituksis niilöi , ket Händy varatah , a jumalattomii pidäy suudopäiväh suate da sit tazuau heile , 10 – semmite niilöile , kudamat mennäh oman rungan pahoile himoloile jälles da paheksitah valdua . Julgiet da omavaldazet , nämä valehopastajat ei varata nagrua taivahallizii valdoi , 11 hos ni anhelit , kudamil on enämbi valdua da vägie , ei nagreta eigo suudita niilöi Ižändän ies .
12 A nämä valehopastajat nagretah sidä , mis ei tietä nimidä . Hyö ollah gu mielettömät elätit , kudamat luondo on luadinuh pyvvettäväkse da tapettavakse , i kui elätit hyö hävitähgi .
13 Omas viäryös hyö suajah viäryönluadijan palku . Hyö rakkahal piruijah keskel päiviä . Hyö ollah huijuttomat da vällillizet omis himolois , konzu ollah stolas teijänke .
14 Himokkahil silmil hyö kačotah naizih , eigo nikui suaja kylläl riähkän luajindas . Hyö muanitellah rahvahii , kudamil vie ei ole lujua pohjua . Hyö on harjavuttu ahnastamah . Jumalan kirotut !
15 Hyö lähtiettih oigies dorogaspäi , yöksyttih da mendih Vosoran poijale Valaamale jälles . Se Valaam mieldyi muanittelendas tarittuh palkah , 16 no händy kohendettih hänen riähkäs , konzu oslu , sanatoi elätti , rubei pagizemah ristikanzan iänel da azetti Valaam-ennustajan mielettömyön .
17 Net rahvas ollah gu viettömät kaivot , gu pimiet pilvet , kudamat levittäy suuri tuuli . Heile on varustettu igähine pilkoine pimei .
18 Hyö lad՚d՚atah suurii , tyhjänpäiväzii sanoi . Rungan himoloin vallas hyö opitah vediä vällillizeh elaigah niilöi , kudamat ollah vastevai piäzemäs yöksynyzien keskespäi .
19 Hyö uskaldetah niilöile vällys , hos iče ollah vällillizyön kytkyös . Ristikanzu on sen vallas , mi händy voitti .
20 Hyö piästih välläle muailman pahuzis meijän Ižändän da Piästäjän Iisusan Hristosan tundemizen vuoh . No gu hyö myös sevottih niilöih pahuzih da puututtih niilöin valdah , ga sit nygöi heil on äijiä pahembi gu allus .
21 Parembi ollus , gu hyö ei tiettys oigien dorogua , migu sen tiijustahuu kieldävytäh heile annetus pyhäs käskys .
22 Heile rodih juuri muga , kui sanou sananpolvi : "Koiru tulou järilleh omile oksenduksile " da "Pesty počči menöy vierettelemähes ligaluhtah ".
Viäristelijät opastajat da heijän suudindu
карельский: ливвиковское наречие
Новописьменный ливвиковский