Тексты
Вернуться к списку | редактировать | удалить | Создать новый | История изменений | Статистика | ? Помощь
Taivahallizen prestolan ies
Taivahallizen prestolan ies
карельский: ливвиковское наречие
Новописьменный ливвиковский
1 Sit
minä näin , kačo vai , taivahas on uksi avvoi , i iäni , se samaine , rounogu torven iäni , kudaman minä kuulin pagizemas minunke jo enne , sanoi minule : "Nouze tänne ! Minä ozutan sinule , midä pidäy roijakseh jälles tädä ".
2 I kerras Hengi koppai minuu . Minä näin taivahas prestolan , i sil prestolal oli istuju . 3 Se istuju läpetti gu kallehet kivet , jašmu da sardis . Prestolas ymbäri oli smaragdan jytyi läpettäi ukonkuari .
4 Ymbäri täs prestolas oli kaksikymmen n՚elli prestolua , i niilöil istui kaksikymmen n՚elli vahnimua , kudamil piäl oli valgiet sovat , a piäs kuldaine venču .
5 Prestolas lähtiettih tuleniškut , iänet da jyryt . Sen ies oli seiččie palajua lampua , Jumalan seiččie hengie . 6 Vie sen ies oli gu st՚oklaine meri , hrustalin jyttyine . Prestolan ies da ymbäri oli n՚elli eläviä , kudamat oldih tävvet silmiä iespäi da taganpäi .
7 Enzimäine oli gu leijon , toine – gu häkäččy , kolmandel oldih gu ristikanzan rožat , a n՚elläs oli gu lendäi kotku .
8 Nämil n՚elläl oli kuuzin siivin , kudamat oldih sydämespäi dai ulgoči tävvet silmiä . Heittelemättäh , päiväl dai yöl nämä elävät sanotah : – Pyhä , pyhä , pyhä on Ižändy Jumal , Kaikenvaldaine , kudai oli , kudai on da kudai tulou !
9 Ainos , konzu elävät ylendetäh , kunnivoijah da kiitetäh Händy , kudai istuu prestolal da kudai eläy ainos dai ilmazen ijän , 10 net kaksikymmen n՚elli vahnimua langetah muale prestolal istujan edeh da ozutetah Hänele kunnivoičustu – Hänele , kudai eläy ainos dai ilmazen ijän . Hyö pannah omat venčat Hänen prestolan edeh da sanotah : 11 – Ižändy , meijän Jumal ! Sinule maksau andua ylendys , kunnivo dai valdu , Sinähäi olet luadinuh kaiken . Kai rodih i kai oli luajittu Sinun tahtos .
Taivahallizen prestolan ies
карельский: ливвиковское наречие
Новописьменный ливвиковский