ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Vuonu avuau kuuzi pečattii

подкорпус: библейские тексты

Источник:
Uuzi Sana, 2003, с. 318

Jiävindy Iivanale

Vuonu avuau kuuzi pečattii

карельский: ливвиковское наречие
Новописьменный ливвиковский
1 Minä näin, kui Vuonu avai enzimäzen seiččemes pečatis, i kuulin, kui yksi n՚elläs eläväs sanoi iänel, kudai oli gu jyry: "Tule"!

2 Minä kačahtimmos: sie oli valgei hebo. Hevon selläs istujal oli jouhiorožu. Hänele annettih venku, i voittajannu häi lähti kohti uuzii voittoloi.

3 Konzu Vuonu avai toizen pečatin, minä kuulin, kui toine elävy sanoi: "Tule"!

4 Tuli toine hebo – tuliruskei. Sen selläs istujale oli annettu valdu ottua rauhus mual, anna rahvas tapettas toine tostu. Hänele annettih suuri miekku.

5 Konzu Vuonu avai kolmanden pečatin, minä kuulin, kui kolmas elävy sanoi: "Tule"! Kačahtimmos: sie oli mustu hebo. Sen selläs istujal käis oldih viesat.

6 Minä kuulin iänen, kudai lähti buitegu niilöin n՚ellän elävän keskes: "Dinuaral koiniks-miäry nižuu libo kolme koiniks-miäriä ozrua. No älä koske pyhävoiloi da viinoi".

7 Konzu Vuonu avai n՚elländen pečatin, minä kuulin, kui n՚elläs elävy sanoi: "Tule"!

8 Kačahtimmos: sie oli hallanharmai hebo. Sen selläs istujan nimi oli Surmu, sille peräh tuli Tuonilmaine. Heile oli annettu valdu muan n՚elländesvuitin piäl – tappua miekal, n՚älläl, Jumalan ruvel, jättiä meččyzvierilöin kynzih.

9 Konzu Vuonu avai viijenden pečatin, minä näin altarin al niilöin henget, kudamii tapettih Jumalan sanan täh da heijän tovestuksen täh.

10 Hyö kirruttih korgiel iänel: "Pyhä da tozi Haldivoiččii! Hätkigo vie vuottua Sinun suuduo da sidä, gu Sinä tazuat mual niilöile, kudamat meidy tapettih"?

11 Sit jogahizele heis annettih valgei soba da käskiettih vuottua vie kodvaine, kuni ei täyty Jumalan palvojien, heijän uskovellien, lugu, niilöin, kudamii tapetah heijän jytyi.

12 Minä näin, kui Vuonu avai kuvvenden pečatin, i rodih suuri muansärizendy; päiväine rodih mustu gu tuskusoba, da kai kuudamaine rodih ruskei gu veri.

13 Tiähtet pakuttih taivahaspäi muale, kui pakutah puus ruohkat smokvat, konzu suuri tuuli puistattau puuloi.

14 Taivas hävii, kiäriihes kui torvikniigu, i kai mäit da suaret liikuttih sijois.

15 Muan suarit, ylimistö da torapiälliköt, bohatat da vägevät miehet da kaikin muut, orjat dai vällät, peityttih kallivokololoih da orgoloih mägilöin keskel, 16 i siepäi kirruttih mägilöile da kallivoloile: "Kuavukkua meile piäle, peitäkkiä meidy prestolal istujan silmis da Vuonan vihas! 17 Heijän vihan suuri päivy on tulluh. Ken voibi kestiä sen"?

Откровение святого Иоанна Богослова (Апокалипсис). 6:1-17

русский
1 И я видел, что Агнец снял первую из семи печатей, и я услышал одно из четырех животных, говорящее как бы громовым голосом: иди и смотри.

2 Я взглянул, и вот, конь белый, и на нем всадник, имеющий лук, и дан был ему венец; и вышел он как победоносный, и чтобы победить.

3 И когда он снял вторую печать, я слышал второе животное, говорящее: иди и смотри.

4 И вышел другой конь, рыжий; и сидящему на нем дано взять мир с земли, и чтобы убивали друг друга; и дан ему большой меч.

5 И когда Он снял третью печать, я слышал третье животное, говорящее: иди и смотри. Я взглянул, и вот, конь вороной, и на нем всадник, имеющий меру в руке своей.

6 И слышал я голос посреди четырех животных, говорящий: хиникс пшеницы за динарий, и три хиникса ячменя за динарий; елея же и вина не повреждай.

7 И когда Он снял четвертую печать, я слышал голос четвертого животного, говорящий: иди и смотри.

8 И я взглянул, и вот, конь бледный, и на нем всадник, которому имя "смерть"; и ад следовал за ним; и дана ему власть над четвертою частью земли — умерщвлять мечом и голодом, и мором и зверями земными.

9 И когда Он снял пятую печать, я увидел под жертвенником души убиенных за слово Божие и за свидетельство, которое они имели.

10 И возопили они громким голосом, говоря: доколе, Владыка Святый и Истинный, не судишь и не мстишь живущим на земле за кровь нашу?

11 И даны были каждому из них одежды белые, и сказано им, чтобы они успокоились еще на малое время, пока и сотрудники их и братья их, которые будут убиты, как и они, дополнят число.

12 И когда Он снял шестую печать, я взглянул, и вот, произошло великое землетрясение, и солнце стало мрачно как власяница, и луна сделалась как кровь.

13 И звезды небесные пали на землю, как смоковница, потрясаемая сильным ветром, роняет незрелые смоквы свои.

14 И небо скрылось, свившись как свиток; и всякая гора и остров двинулись с мест своих.

15 И цари земные, и вельможи, и богатые, и тысяченачальники, и сильные, и всякий раб, и всякий свободный скрылись в пещеры и в ущелья гор, 16 и говорят горам и камням: падите на нас и сокройте нас от лица Сидящего на престоле и от гнева Агнца; 17 ибо пришел великий день гнева Его, и кто может устоять?
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков