Тексты
Вернуться к списку | редактировать | удалить | Создать новый | История изменений | Статистика | ? Помощь
Jumalan vihan mal՚l՚at
Jumalan vihan mal՚l՚at
карельский: ливвиковское наречие
Новописьменный ливвиковский
1 Sit
minä kuulin , kui pyhäkoispäi sanottih korgiel iänel seiččemele anhelile : "Mengiä da kuadakkua Jumalan vihan seiččie mal՚l՚ua muale ".
2 Enzimäine anheli lähti da kuadoi oman mal՚l՚an muale . Sit niilöih rahvahih , kudamil oli zvierin merki da kudamat kumardeltihes sen kuvale , rodih pahua märgypaizettu .
3 Toine anheli kuadoi oman mal՚l՚an mereh , i meri rodih gu kuolluon veri , i kai elävät meres kuoltih .
4 Kolmas anheli kuadoi oman mal՚l՚an jogiloih da viennouzemih , i vezi niilöis muutui verekse .
5 Minä kuulin , kui vezien anheli sanoi : – Oigei olet Sinä , kudai olet da kudai olit , Sinä Pyhä , gu nenga suudiit ! 6 Hyö valutettih Sinuh uskojien da Sinun iänenkandajien verdy , i Sinä panit heidy verdy juomah . Ruadoloi myö palku !
7 Minä kuulin , kui altari sanoi : – Da , Ižändy Jumal , Kaikenvaldaine , tovenmugazet da oigiet ollah Sinun suvvot .
8 N՚elläs anheli kuadoi oman mal՚l՚an päiväzeh , i päiväzele annettih valdu poltua rahvastu tulel .
9 Rahvas palettih suures räkes , no kirottih Jumalan nimie , Hänen , kudaman vallas oldih nämä pahuot . Hyö ei kiännytty , ei ozutettu kunnivuo Jumalale .
10 Viijes anheli kuadoi oman mal՚l՚an zvierin prestolale , i zvierin valdukundu pimeni . Rahvas kivun tuskis pureteltih omii kielii , 11 no yksikai kirottih taivahan Jumalua omien tuskien da paizieloin täh . Hyö ei kiännytty omis pahois ruadolois .
12 Kuvves anheli kuadoi oman mal՚l՚an suureh Jefratjogeh , vezi joves kuivi , i muga avavui dorogu päivännouzupuolen suariloile .
13 Minä näin , kui lendäimavon suus , zvierin suus da Jumalan iänenkandajakse heittelehtijän suus lähti kolme paganhengie , kudamat oldih gu šlötöit . 14 Net ollah karuloin henget , kudamat luajitah tunnusmerkilöi . Hyö mennäh keriämäh muailman kaikkii suariloi torah , kudai rodieu Jumalan , Kaikenvaldazen , suurennu päivänny .
15 "Minä , kačo , tulen vuottamattah , gu varras . Ozakas on se , ken on jallas da pidäy huolen omis sovis , gu ei kävellä alasti da ei puuttuo huigieh rahvahan silmis "!
16 Net pahat henget kerättih suariloi kohtah , kudaman nimi jevrein kielel on Armageddon .
17 Seiččemes anheli kuadoi oman mal՚l՚an ilmah . Pyhäkoispäi , prestolalpäi kuului korgei iäni , kudai sanoi : "Se on luajittu "!
18 Tuldu iški , kuului iänii , jyryy i rodih ylen suuri muansärizendy , moine suuri , mittumua ei olluh sit aijaspäi , konzu ristikanzu rodih muale .
19 Suuri Vavilonan linnu halgei kolmekse , i kaikis mualois linnat kuavuttih . Jumal musti sen suuren linnan , i andoi sille juvva tävven mal՚l՚an Hänen vihan da tavan viinua .
20 Kavottih kai suaret , eigo olluh enämbi mägilöi . 21 Suuret talantanpainozet ragehet pakuttih taivahaspäi rahvahien piäle . A rahvas kirottih Jumalua tämän ragehil perrandan täh , gu se pahus oli ylen jygei .
Jumalan vihan mal՚l՚at
карельский: ливвиковское наречие
Новописьменный ливвиковский