Тексты
Вернуться к списку | редактировать | удалить | Создать новый | История изменений | Статистика | ? Помощь
Vavilonan suudo
Vavilonan suudo
карельский: ливвиковское наречие
Новописьменный ливвиковский
1 Minun
luo tuli yksi niilöis seiččemes anhelis , kudamil oli seiččie mal՚l՚ua , da sanoi : "Tule , minä ozutan sinule , mittuine suudo annetah sille suurele karguajale , kudai istuu vezien piäl , 2 sille , kudamanke karrattih muailman suarit , i kudaman karguanduviinal humalduttih muan eläjät ".
3 Hengi valdai minuu , i anheli vedi minuu elämättömäh muah . Minä näin naizen , kudai istui tuliruskien zvierin selläs . Zvierih oli kaikkielpäi täydenäh kirjutettu kirovonimie , i sil oli seiččie piädy da kymmene sarvie .
4 Naine oli šuoritettu purpuranruskieh da tuliruskieh sobah , čomendettu kullal , kallehil kivil da žemčugoil , a käis hänel oli kuldaine mal՚l՚u , kudai oli täyzi tylgevytty da hänen karguanduligua . 5 Hänen oččah oli kirjutettu nimi , peittonimi : "Suuri Vavilon , karguajien da muailman tylgevyksien muamo ".
6 Minä näin , se naine oli humaldunnuh jumalanuskojien verel da niilöin verel , kudamat saneltih tozi Iisussah näh . Hänen nähtyy minä diiviin sidä äijäl .
7 Anheli sanoi minule : "Mikse sinä diivit ? Minä avuan sinule tämän naizen peittomerkičyksen dai sen zvierin peittomerkičyksen , sen , kudai kandau händy selläs da kudamal on seiččie piädy da kymmene sarvie .
8 Zvieri , kudaman sinä näit , oli , no nygöi sidä ei ole . Se nouzou vie pohjattomas havvaspäi , no menöy häviendäh . Net muan eläjät , kudamien nimet ei ole kirjutettu elaijankniigah muailman luajindua myö , diivitähes zvierin nähtyy , sikse gu se oli , nygöi sidä ei ole , no sit se jiävihes .
9 Täh pidäy äijy ellendysty da mieldy . Seiččie piädy net ollah seiččie mätästy , kudamil istuu naine . Net ollah vie seiččie suarii : 10 viizi niilöis jo hävittih , yksi on , a yksi vie ei tulluh . Konzu häi tulou , hänen olenduaigu roih lyhyt .
11 A zvieri , kudai oli da kudamua nygöi ei ole , on kaheksas suari ; segi on yksi seiččemes da menöy häviendäh .
12 Kymmene sarvie , kudamat sinä näit , ollah kymmene suarii , kudamat ei vie nostu valdah , no hyö suajah suarinvaldu da kodvaine pietäh valdua yhtes zvierinke .
13 Yksis mielin hyö annetah oma vägi da valdu zvierile .
14 Hyö kaikin ruvetah toruamah Vuonua vastah , no Vuonu voittau heidy . Häi vet on ižändien Ižändy da suariloin Suari , a Hänenke voitetah kučutut , vallitut da suremattomat ".
15 Anheli sanoi minule : "Viet , kudamat sinä näit , kus istuu karguaju , ollah muailman rahvahat , rahvasjoukot , muat da kielet .
16 A kymmene sarvie , kudamat sinä näit , da zvieri – hyö vihatah karguajua da kiškotah hänel sovat piäl , jätetäh händy alasti , syvväh hänen lihat da poltetah händy tuhkakse . 17 Jumal panou heijän sydämih himon täyttiä Hänen mielet da yksis mielin andua suarinvaldu zvierile , kuni ei täytytänne Jumalan sanat .
18 Naine , kudaman sinä näit , on se suuri linnu , kudai pidäy valdua muan kaikkien suariloin piäl ".
Vavilonan suudo
карельский: ливвиковское наречие
Новописьменный ливвиковский