Тексты
Вернуться к списку | редактировать | удалить | Создать новый | История изменений | Статистика | ? Помощь
Joosefi näkeytyy tuattoh kera
Joosefi näkeytyy tuattoh kera
карельский: собственно карельское наречие
Новописьменный севернокарельский
Kun
čuari šai tietyä , jotta Joosefin vellet tultih tämän luokši , hiän käški antua heilä matkah vaunuja .Niillä hyö voitais tuuvva Jegiptih omat pereheh ta vanhan tuattoh .Šiitä Joosefin vellet lähettih Jegiptistä ta tultih Hananin muah tuattoh Juakon luo .
Kun Juakko kuuli , jotta hänen armahin poika Joosefi on elošša , hiän enšin ei voinun šitä uškuo .Vašta šiitä , kun Juakko näki vaunut , mit Joosefi oli työntän häntä varoin , hiän šano : "Kuitenki še on totta !Poikani Joosefi on elošša !Mie lähen Jegiptih , jotta šaisin nähä hänet ennein kun kuolen ".Šen jälkeh Jumala šano Juakolla unissa : "Juakko , Juakko !Mie olen Jumala , tuattoš Jumala .Elä varaja Jegiptih lähtyö , mie luajin šielä šiun jälkiläisistä šuuren kanšan .Mie iče tulen šiun kera Jegiptih tai jälellähki šiut šieltä tuon ".
Juakko kokosi kaikki lapšeh , punukkah ta hyvyseh ta läksi matkah .Kun Joosefi kuuli , jotta tuatto on tulošša , hiän val’l’ašti heposen ta läksi hänellä vaštah .Nähtyöh tuattuoh Joosefi heittäyty hänellä kaklah ta pitälti itki hänen olkapiällä .
Myöhemmin , kun Joosefi mäni viijen vellen kera čuarin luo , čuari šano Joosefilla : "Tuattoš ta velleš on tultu šiun luo .Jegiptin mua on šiun ieššäš , anna heilä elošijakši muan parahin oša ".
Joosefi anto omahisillah muata Jegiptin parahašta ošašta .Šamoin hiän piti huolen tuattoh , vellieh ta koko šuvun elätykšeštä : jokahini šai šen mukah , kuin monta ruokittavua kelläki oli .
Juakko ei myöštyn jälelläh Hananin muah , kun jäi Jegiptih .Kuoloman läheštyössä hiän plahoslovi Joosefin kakši poikua , Manassijan ta Efraimin , ta kaikki kakšitoista omua poikuah .Juakon käšyn mukah pojat kaimattih hänen ruumis Hananin muah ta hauvattih še Makpelašša kallivon šyvennykšeh , minne jo aikasempah oli hauvattu Aprahami ta hänen naini Sarra , Issakka ta hänen naini Revekka tai Juakon naini Lea .
Joosefi näkeytyy tuattoh kera
карельский: собственно карельское наречие
Новописьменный севернокарельский