Тексты
Вернуться к списку | редактировать | удалить | Создать новый | История изменений | Статистика | ? Помощь
Palaja piikkipenšaš
Palaja piikkipenšaš
карельский: собственно карельское наречие
Новописьменный севернокарельский
Moissein elämä
jyrkäšti muuttu .Enšimmäiset nelläkymmentä vuotta Moissei oli viettän Jegiptissä , missä hänet oli kašvatettu čuarin tyttären poikana .Šiitä hiän joutu pakenomah čuarin vihašta ta mäni Midianin muah , missä paimenti appeukkoh Jetron lampahie toiset nelläkymmentä vuotta .
Pitän ajan piäštä kuoli Jegiptin čuari .Ka ei ni uuvven čuarin aikana israelilaisien olot parettu , vain entiselläh hyö voikerrettih vaikiešta työštä ta kučuttih Jumalua apuh .Jumala piätti työntyä Moissein vapauttamah kanšuah .Še kävi näin .
Moissei paimenti appeukkoh Jetron , midianilaisen papin , lampahie .Kerran hiän vei karjah tyhjän muan toisella puolella ta tuli Jumalan vuaran Horebin alla .Šielä hänellä jiäviyty Hospotin anheli tuliliekkehien kešeššä , mit nouštih piikkipenšahašta .Moissei huomasi , jotta tuli ei polta penšašta , vaikka še oli liekkehissä .Tai hiän ajatteli : "Annapa lähen kaččomah tuota kummua .Mintäh tuo penšaš eipala tuhkakši "?
Kun Hospoti näki , jotta Moissei läheštyy , hiän karjeutu penšahašta : "Moissei , Moissei !Elä tule lähemmäkši !Heitä jalaččis jalašta , šentäh kun paikka , missä šeisot , on pyhä .Mie olen šiun tuattoš Jumala , Abrahamin , Issakan ta Juakon Jumala ".Šilloin Moissei peitti näköh , šentäh kun varasi kaččuo Jumalah .
Hospoti šano : "Mie nävin miun rahvahan muokat Jegiptissä ta kuulin , mitein israelilaiset valitetah kovua ošuah .Mie tiijän kyllä mimmoni heilä on hätä .Tulin piäštämäh heijät jegiptiläisien käsistä ta viemäh heijät Jegiptistä muah , mi on hyvä ta avara , missä virtuau maito ta mesi .Israelilaisien hätähuuto on nyt kantautun miun korvih , ta mie olen nähnyn , mitein jegiptiläiset kiušatah heitä .Mäne , mie työnnän šiut čuarin luo .Šiun pitäy viijä miun rahvaš , israelilaiset , pois Jegiptistä ".
Moissei kuitenki epyäli .Hiän ei uškon , jotta kelpuau niin šuureh tehtäväh .Hiän šano Jumalalla : "Ken mie olen mänömäh čuarin luo ta viemäh israelilaiset pois Jegiptistä ?" Šiih Jumala vaštasi : "Mie olen šiun kera ".
Palaja piikkipenšaš
карельский: собственно карельское наречие
Новописьменный севернокарельский