Тексты
Вернуться к списку | редактировать | удалить | Создать новый | История изменений | Статистика | ? Помощь
Israelilaiset kuletah Kaislameren poikki
Israelilaiset kuletah Kaislameren poikki
карельский: собственно карельское наречие
Новописьменный севернокарельский
Kun
israelilaiset lähettih Jegiptistä , faraonilla tuli suali , jotta piäšti heijät .Šilloin čuari läksi ajamah heilä peräh raččumiehineh , vaununeh ta koko šotajoukkoneh , meinaten šuaha heijät kiäntymäh jälelläh .
Kun israelilaiset oli tultu Kaislameren rantah eikä piäšty šiitä ielläh , jegiptiläiset oltih tavottua heitä .Nähtyöh ieššäh meren ta peräššäh jegiptiläiset , rahvaš alko morkata Moisseita šiitä , jotta hiän kuletti heijät pois Jegiptistä tyhjäh muah kuolomah .Moissei šano heilä : "Elkyä varakkua , pisykkyä vain paikoillana , niin kohta niättä , mitein Hospoti pelaštau teijät .Šemmoista , mitä työ niättä tänäpiänä tapahtuvan jegiptiläisillä , että enämpi konšana niä .Hospoti taistelou teijän puolešta , olkua vain rauhašša "!
Jumalan anheli , kumpani kulki israelilaisien joukon ieššä , šiirty nyt kulkomah heijän jäleššä , ta pilvipačaš ašettu heijän tuakši , niin jotta še tuli jegiptiläisien ta Israelin joukkojen välih .Pilven keralla tuli jegiptiläisillä pimevyš , a israelilaisilla pilvi valotti yön .Koko yöššä kumpanikana joukko ei piäššyn läheštymäh toistah .
Jumala käški Moissein kohottua šauvuah ta ojentua käteh mertä kohti .Moissein kättä ojentuas’s’a Jumala nošti voimakkahan itätuulen ajamah meren vesie niin , jotta yön aikana meren pohjah ilmešty israelilaisilla kuiva tie : vejet jakauvuttih heijän ieššä .Kaikki israelilaiset kulettih meren poikki kuivua myöten , ta vejet šeisottih šeininä molommin puolin .
Jegiptiläiset lähettih israililaisija peräh ajamah , ta faraonin koko šotajoukko tuli heijän jälkeh kešellä mertä .Ka huomenešpuoleh Hospoti anto heijän kärryjen tarttuo pohjah , niin jotta ielläh ajamini kävi vaikiekši .Šiitä jegiptiläiset šanottih : "Miän pitäy lähtie pakoh !Hospoti šotiu israelilaisien puolešta meitä vaštah ".
Huomenekšella päivän valotešša , konša israelilaiset oltih jo toisella rannalla , meri myöšty entisellä paikallah .Še tuli pakenijilla jegiptiläisillä vaštah ta pyyhkäsi ualtojen šekah faraonin šotajoukon , eikä heistä henkih jiänyn ni ainutta .
Näin Hospoti pelašti Israelin Jegiptin käsistä .Ta kun israelilaiset nähtih še , hyö ruvettih varajamah Hospotie ta ušottih Häneh ta Hänen paššarih Moisseih .
Israelilaiset kuletah Kaislameren poikki
карельский: собственно карельское наречие
Новописьменный севернокарельский