Тексты
Вернуться к списку | редактировать | удалить | Создать новый | История изменений | Статистика | ? Помощь
Moissei työntäy tiijuštelijie Hananin muah
Moissei työntäy tiijuštelijie Hananin muah
карельский: собственно карельское наречие
Новописьменный севернокарельский
Sinailta lähön jälkeh
israelilaiset ašettauvuttih Paranin tyhjäh muah lähellä Hananin muata .Šieltä Moissei työnši Israelin kahentoista heimon piämiehet Hananin muah ta šano : "Mänkyä enšin Negevih ta šieltä ielläh vuarašeutuloilla .Kačelkua , mimmoni mua še on ta mimmoset ollah šielä eläjät rahvaš : ollahko ne väkövie vain heikkoja , onko eläjie vähän vain äijän , onko še mua hyvä vain paha ta eletähkö ihmiset avokylissä vain linnoissa korkeijen šeinien takana .Pisykkyä rohkeina ta tuokua jälelläh tulleššana šen muan antimie ".
Miehet lähettih matkah .Nelläkymmentä päivyä hyö käveltin ta kačeltih Hananin muata .Heistä še mua näytti hyvältä ta vil’l’asalta .Hyö nähtih šielä kummallisie puu - ta viinatarhoja ta vielä šuurija hyvin šuojattuja linnoja .
Tulleššah hyö tuotih granattie ta smokvua šekä viinamarjarypäleh , mi oli niin jykie , jotta kakši mieštä joutu šitä kantamah šeipähällä .Tulijat kerrottih kaunehešta muašta , missä virtuau maito ta mesi .Hyö kerrottih šiitäki , jotta šikäläini rahvaš on voimakaš ta eläy linnoissa korkeijen šeinien takana ."Ei meistä ole läksijiksi šitä rahvašta vaštah . Hyö ollah meitä väkövämmät ", – šanottih hyö .
Näillä pakinoillah miehet noššettih israelilaisissa kauhuo .Hyö unohettih , jotta Jumala oli luvannun heitä auttua .Vain kakši noista kaheštatoista tiijustelijašta , Jošua , Nunin poika , ta Halevi , Jefunin poika , pisyttih uškollisina Jumalalla eikä tahottu pölätellä rahvašta .Halevi šano : "Myö hyökkyämmä šinne heti ta otamma muan omakšena !Myö voimma šen ruatua "!Ka rahvaš ei tahton kuunnella , kun rupesi itkömäh ta valittamah ta viärittämäh Moisseita ta Aaronie šiitä , jotta nämä oli tuotu heijät pois Jegiptistä .Hyö alettih paissa välissäh : "Valikka uuši johtaja ta myöštykkä Jegiptih !"Jošua ta Halevi šanottih israelilaisilla : "Kun Hospoti ollou meijän puolella , hiän viey meijät tuoh muah , missä virtuau maito ta mesi , ta antau šen meilä .Teijän ei šua noušša Jumalua vaštah !Elkyäkä varakkua šen muan eläjie , meilä hyö ollah vain kuin hammašpala .Heijän jumalat on hylätty hiät , a meijän kera on Jumala .Elkyä varakkua heitä "!
Kanšan kapinamielen nähtyöh Moissei ta Aaroni lankettih očin muah pahašša mielin .Hospoti šano Moisseilla : "Kuin pitälti tämä kanša halvekšiu milma ?Kuin pitälti israelilaiset kieltäyvytäh luottamašta miuh , vaikka olen ruatan heilä äijän hyvyä ?Mie opaššan heitä tappajalla tauvilla ta hävitän heijät , a šiušta mie šuan heitä šuuremman kanšan ".Tämän jälkeh Moissei moli Jumalalta armuo kanšallah israelilaisilla .Jumala prosti heijät , ka miäräsi heilä šemmosen kuritukšen , jotta iče hyö ei piäštäis Hananin muah , ka vašta heijän jälkiläiset piäštäis šinne .Jošua ta Halevi niise piäštäis šinne , šentäh kun hyö ušottih Hospotih .
Moissei työntäy tiijuštelijie Hananin muah
карельский: собственно карельское наречие
Новописьменный севернокарельский