Тексты
Вернуться к списку | редактировать | удалить | Создать новый | История изменений | Статистика | ? Помощь
Tuavitta ta Goliaffi
Tuavitta ta Goliaffi
карельский: собственно карельское наречие
Новописьменный севернокарельский
Konša
israelilaiset piäštih elämäh Hananin muah , hyö tahottih šuaha oma čuari , ta šentäh Jumala juohatti heilä čuariksi Saulin Veniaminin heimošta .Israelin viholliset , filistiläiset , kovottih joukkoh , jotta alottua šota .Šamoin israelilaisetki kokouvuttih Saulin johtamina yhteh .Filistiläiset ašettauvuttih vuaralla , israelilaiset oltih toisella vuaralla heijän vaštapiätä .Välissä oli notko .
Israelissa eli Jessei-nimini mieš .Hänen kolme vanhinta poikua oli lähetty šotah , vain nuorin , Tuavitta , oli koissa paimentamašša tuattoh lampahie .Kotvasen piäštä Jessei työnši Tuavitan israelilaisien leirillä viemäh leipyä vellilöilläh ta tiijuštamah heijän oluo ta vointie .
Kun Tuavitta tuli leirillä , hiän näki , jotta israelilaiset ta filistiläiset šuoritah šotimah toisieh vaštah .Tuavitta juoksi saltattarivien luokši ta mäni tervehtimäh vellijäh .Šiih aikah filistiläisien rivilöistä aštu eteh šuurikašvuni mieš , kumpani tunnettih nimellä Goliaffi Filistiläini .Hänellä oli pronššini šuojapaita piällä ta čoho piäššä .Kiäššä hänellä oli jykie keijäš .Goliaffi nakro israelilaisie ta ivuali elävyä Jumalua .Hiän šano , jotta još kennih israelilaisista voittanou hänet , nin filistiläiset tullah heijän orjiksi .Kenkänä israelilaisista ei uškaltan männä taistelomah Goliaffin kera .Heitä kauhissutti jo yksi hänen ulkonäkö , niin jotta hyö varattih kaččuoki häneh .
Kun Tuavitta kuuli Goliaffin pakinat , hiän mäni kyšymäh čuari Saulilta lupua taissella Goliaffie vaštah .Sauli šano : "Šiehän olet vašta poikoni , a hiän on šotin nuorešta šuaten ".Tuavitta kerto Saulilla , mitein Hospoti oli auttan häntä torata leijonien ta konteijen kera paimenešša ollešša .Šilloin Sauli anto Tuavitalla luvan männä toruamah Goliaffie vaštah ta šuoritti pojan omah šuojapaitah .Ka Tuavitta ei ollun tottun šemmoseh .Hiän jakšo šen piältäh , otti paimenšauvah , valičči jokivarrešta viisi šilietä kivie ta pani ne paimenlaukkuhuš .Šen kera hiän läksi filistiläistä kohti .
Tuavitan läheštyössä Goliaffi rupeši ivual’omah häntä ta kyšy : "Koirako mie olen , kun tulet milma vaštah keppi kiäššä "?Tuavitta vaštasi : "Šie tulet milma vaštah miekan ta keijähän kera , a mie tulen šilma vaštah Hospoti Savaofan nimeššä .Hiän on šen šotajoukon Jumala , kumpaista šie nakrat ".Kun filistiläini läksi tulomah Tuavittua kohti , Tuavitta juoksi häntä vaštah , pisti kiän laukkuh ta otti šieltä kiven .Hiän loi šen kiven rakaiččimen avulla ta ošasi filistiläisella oččah .Kivi puhkasi šiltä očan , ta filistiläini kuatu muah šuin .Näin Tuavitta voitti filistiläisen ilmain miekkua rakaiččimella ta kivellä .
Nähtyöh , jotta heijän uroš jo kuoli , filistiläiset lähettih pakoh , ta israelilaisien šotajoukot voitettih heijät .
Tuavitta ta Goliaffi
карельский: собственно карельское наречие
Новописьменный севернокарельский