Тексты
Вернуться к списку | редактировать | удалить | Создать новый | История изменений | Статистика | ? Помощь
Pako Jegiptih
Pako Jegiptih
карельский: собственно карельское наречие
Новописьменный севернокарельский
Konša
Iisussa šynty Juutijan Viflejemissä čuari Iirotin aikana , Jerusalemih tuli paivännoušušta päin tietäjie .Hyö kyšyttih : "Missä on Še jevreijen Čuari , kumpani on šyntyn ?Myö näkimä , jotta Hänen tähti šytty taivahalla ta tulima kumartamah Hänellä ".Tämän kuultuo čuari Iiroti pöläšty , ta hänen kera pöläšty koko Jerusalimi .Hiän kučču luokšeh kaikki rahvahan ylipapit ta sakonanopaštajat ta tiijušteli heiltä , missä Hristossan pitäis šyntyö .Hyö vaššattih : "Juutijan Viflejemissä , šentäh kun Jumalan viessintuojan kirjašša on šanottu niin ".
Šilloin Iiroti peitokkali kučču tietäjät luokšeh ta tiijušteli heiltä , konša tähti oli tullun näkyvih taivahalla .Šiitä hiän työnti tietäjät Vihlejemih .Hiän šano ."Mänkyä šinne ta tiijuštakkua tarkkah , missä Vaštašyntyneh on . A kun löyvättä Hänet , šiitä tulkua šanomah miula , jotta mie niise voisin lähtie kumartamah Hänellä ".
Tähti näytti tietäjillä tien Lapšen luo , ta hyö kumarrettih Hänellä ta annettih Hänellä kallehie lahjoja : kultua , luatanua ta mirrua .Unissa Jumala varotti tietäjie mänömäštä Iirotin luokši , ta niin hyö toista tietä myöššyttih omah muah .Čuari Iiroti šiänty šilmittömäšti , konša šai tietyä täštä .Hiän työnti saltatat tappamah Viflejemissä ta šen ympärillä kaikki kakšivuotiset ta šitä nuoremmat poikalapšet .Tämän ikärajan hiän šai tietäjien kertomukšešta .
Iiroti ajatteli , jotta šurmattujen lapšien joukošša on Še , keštä tietäjät paistih – jevreijen Čuari .Ka Hiän oliki jo turvašša !Tietäjien lähettyö Hospotin anheli näyttäyty unissa Josefilla ta šano : "Nouše , ota Lapši ta Hänen Muamo matkahaš ta pakene Jegiptih .Pisy šielä šini , kuni en käše šiun myöštyö .Iiroti meinuau löytyä Lapšen ta tappua Hänet ".Josefi nousi , otti Lapšen ta Hänen Muamon ta šamašša yöllä läksi Jegiptih .Šielä hiän oli Iirotin kuolomah šuaten .Näin kävi toteh še , mitä Hospoti oman viessintuojan kautti šano : "Jegiptistä Mie kučuin Poikani ".
Pako Jegiptih
карельский: собственно карельское наречие
Новописьменный севернокарельский