Тексты
Вернуться к списку | редактировать | удалить | Создать новый | История изменений | Статистика | ? Помощь
Peittopakina kylväjäštä
Peittopakina kylväjäštä
карельский: собственно карельское наречие
Новописьменный севернокарельский
Iisussa pakasi
heilä monista aseista peittopakinoilla .Eryähänä piänä Hiän šano : "Mieš läksi kylvämäh .Konša hiän kylvi , eryähät šiemenet tipahettih tien viereh , ta linnut tultih ta n’okittih jyvät .Toiset šiemenet kirvottih kiviseh muah , missä oli liijan vähän multua .Ruttoseh ne nouštih orahalla , šentäh kun šiinä ei ollun multua pakšuh .Ka kun päiväni nousi , še puahto orahat ta ne kuivettih , kun niillä ei ollun kunnon juurie .Eryähät šiemenistä kirvottih ohtajaisikkoh , ohtajaiset kašvettih ta tupehutettih orahat .No oša jyvistä kirposi hyväh muah ta anto eluo , mi šata , mi kuušikymmentä , mi kolmekymmentä jyvyä .Kellä on korvat , millä kuulla , še kuulkah "!
Opaššettavat ruvettih kyšelömäh Häneltä täštä peittopakinašta .Hiän šano heilä :
"Niin jotta kuunnelkua , mitä peittopakina kylväjäštä merkiččöy .Konša ken kuullou šanan Taivahien Valtakunnašta eikä malttane šitä , tulou juaveli ta šieppuau hänen šiämeh kylvetyn šanan .Tämä tarkottau tien viereh kylvettyö šiementä .Kylvö kivisih paikkoih on kuin še , ken šanan kuultuo hyvällä mielin ottau šen šamašša vaštah .No kun häneššä ei ole juurta , šentäh hänen uško keštäy vain pienen rupieman .Konša häntä ruvetah ahistamah tahi ajelomah šanan tähen , hänen uško šiihi šamašša loppuu .Kylvö ohtajaisikkoh tarkottau ihmistä , kumpani kuulou šanan , ka tämän muajilman huolet ta pohasvuon muanituš tupehutetah šana ta še ei anna eluo .Kylvö hyväh muah tarkottau ihmistä , ken kuulou šanan ta malttau šen .Nämä ihmiset annetah eluo : ken šata , ken kuušikymmentä , ken kolmekymmentä jyvyä ".
Peittopakina kylväjäštä
карельский: собственно карельское наречие
Новописьменный севернокарельский
"