Тексты
Вернуться к списку | редактировать | удалить | Создать новый | История изменений | Статистика | ? Помощь
Äijänpäivän illallini
Äijänpäivän illallini
карельский: собственно карельское наречие
Новописьменный севернокарельский
Kun
Äijänpäivän pruasniekka lähešty , Iisussa työnti Petrin ta Iivanan ta šano heilä : "Mänkyä ta valmistakkua meilä Äijänpäivän illallini ".Hyö kyšyttih : "Kunne tahot , jotta myö valmistaisima šen ?"Hiän šano : "Kun mänettä linnah , teilä vaštah tulou mieš , kumpani kantau vesiaštieta .Mänkyä hänellä jäleššä šiih taloh , mih hiän mänöy , ta šanokkua talon isännällä : ‘Opaštaja käški kyšyö šiulta , missä on huoneh , kumpasešša Hiän opaššettavien kera vois šyyvvä Äijänpäivän illallisen’ .Isäntä näyttäy teilä yläkerrašša šuuren huonehen , missä kaikki on jo varuššettu .Šinne valmistakkua illallini ".Hyö lähettih , ta kaikki oli niin kun Iisussa heilä šano .Hyö valmissettih Äijänpäivän illallini .
Konša tuli illallisen aika , Iisussa ta kakšitoista apostolie ruvettih illaistamah .Hiän šano heilä : "Miun niin himotti šyyvvä tämä Äijänpäivän illallini tiän kera ennein Miun käršimykšie .Mie šanon teilä : enämpi en šyö Äijänpäivän illallista , kuni ei tule tovellini Äijänpäivän illallini Jumalan Valtakunnašša ".Hiän otti käteh viinamal’l’an , passipoitti Jumalua ta šano : "Ottakkua tämä ta jakakkua keškenäh .Mie šanon teilä : täštä lähtien en juo viinamarjašta luajittuo , kuni ei tule Jumalan Valtakunta ".
Šiitä Hiän otti leivän , passipoitti Jumalua , katko leivän , anto opaššettavilla ta šano : "Tämä on Miun Runko , kumpani annetah kuolomah tiän puolešta .Ruatakkua tämä Miun muissokši ".llallisen jälkeh Hiän otti šamoin viinamal’l’an ta šano : "Tämä mal’l’a on Miun Verellä lujitettu Uuši Šopimuš , Verellä , mi valutetah tiän puolešta .Ka täššä stolašša yheššä Miun kera istuu Miun pettäjä .Ihmisen Poika lähtöy tiältä juštih niin kun Hänellä on ošakši annettu , no voi šitä , ken Hänet pettäy ".
Äijänpäivän illallini
карельский: собственно карельское наречие
Новописьменный севернокарельский