Тексты
Вернуться к списку | редактировать | удалить | Создать новый | История изменений | Статистика | ? Помощь
Iisussa muaherra Pilatin ieššä
Iisussa muaherra Pilatin ieššä
карельский: собственно карельское наречие
Новописьменный севернокарельский
Aikaseh
huomenekšella kaikki ylipapit ta rahvahan vanhimmat keräyvyttih ta šovittih keškenäh , jotta tapetah Iisussa .Hänet šivottih nuorih , vietih šieltä ta annettih muaherra Ponttei Pilatilla .
Juuta , Iisussan pettäjä , näki , jotta Iisussa oli suutittu kuolomah .Šiitä hiän maltto , jotta viärin ruato .Hiän vei ne kolmekymmentä hopierahua jälelläh ylipappiloilla ta vanhimmilla ta šano : "Mie ruavoin riähän , kun möin vijattoman veren ".Ka hyö šanottih : "Mitä še meilä kuuluu .Še on šiun asie ".
Šiitä Pilatti käški ruoškie Iisussua .Saltatat viännettih piikkiokšista korona , pantih še Hänellä piäh ta šuoritettih Hänet purppuranruškieh sviitkah .Hyö šanottih : "Terveh Šiula , jevreijen Čuari !"ta lyötih Häntä näkyö vaššen .
Konša ylipapit ta heijän miehet nähtih Iisussa , hyö karjeuvuttih : "Nuakliče Hänet ristih !Nuakliče Hänet ristih !"Pilatti šano heilä : "Ottakkua työ Hänet ta iče nuaklikkua ristih .Mie en ole löytän Häneššä mitänä viäryttä ".Jevreit vaššattih : "Meilä on miän Sakona , ta Sakonan mukah Hänet pitäy tappua , šentäh kun Hiän luatiutuu Jumalan Pojakši ".
Tämän kuultuo Pilatti pöläšty vielä enemmän .Hiän mäni jälelläh horomien šiämeh ta kyšy Iisussalta : "Mistä päin Šie olet "?Ka Iisussa ei vaššannun hänellä .Pilatti šano Hänellä : "Etkö Šie vaštua miula ?Etkö tiijä , jotta miula on valta nuaklita Šiut ristih ta valta piäštyä Šiut ?"Iisussa vaštasi : "Šiula ei ois mitänä valtua Miuh , kun Jumala ei ois antan šitä šiula .Šentäh Miun pettäjän riähkä on šuurempi kuin šiun ".
Pilatti näki , jotta hiän ei voi mitänä , ta rahvaš rupieu kohta elämöimäh .Hiän otti vettä , pesi kiät heijän ieššä ta šano : "Mie en ole viäräpiä tämän oikien Miehen vereh .Iče jouvutta vaštuamah täštä ".Koko rahvašjoukko karju : "Tulkah Hänen Veri miän ta miän lapšien piällä !"Šiitä Pilatti piäšti heilä Varavvan , a Iisussua käški ruoškie ta antua ristih nuaklittavakši .
Iisussa muaherra Pilatin ieššä
карельский: собственно карельское наречие
Новописьменный севернокарельский