Тексты
Вернуться к списку | редактировать | удалить | Создать новый | История изменений | Статистика | ? Помощь
Iisussa noušou taivahah
Iisussa noušou taivahah
карельский: собственно карельское наречие
Новописьменный севернокарельский
Kuollehista noušomisen jälkeh
Iisussa monin ušottavin tovissukšin näytti , jotta on elošša .Nellänkymmenen päivän aikana Hiän moničči näyttäyty opaššettavillah ta pakasi heilä Jumalan Valtakunnašta .Heijän kera ollešša Iisussa kielti heitä : "Elkyä lähtekkyä kunnena Jerusalimista , vain vuottakkua šitä , min Tuatto teilä lupasi ta mistä oletta kuullun Miun pakajavan .Iivana kašto ihmisie veješšä , ka ruttoh näijen päivien jälkeh tiät kaššetah Pyhäššä Henkeššä ".
Iisussa šano : "Miula on annettu kaikki valta taivahašša ta muan piällä .Niin jotta mänkyä ta šuakua kaikki kansat Miun opaššettaviksi .Kaštakkua heitä Tuaton ta Pojan ta Pyhän Henken nimeššä ta opaštakkua heitä elämäh kaikešša , niin kuin Mie olen käšken tiän elyä .Ta muistakkua , Mie olen tiän kera joka päivä muailman loppuh šuate ".
Kun Iisussa oli šanon tämän , Hänet otettih ylähyäkši heijän šilmissä , ta pilvi vei Hänet heijän näkyvistä .Konša Iisussan loitotešša hyö aina vain kačottih taivahah , heijän eteh jiäviyty kakši mieštä valkeissa vuatteissa .Hyö šanottih : "Galileijan miehet , mitä työ šeisotta ta kačotta taivahah ?Tämä Iisussa , kumpani otettih teiltä taivahah , myöštyy šamalla keinoin , kuin työ näkijä Hänen taivahah mänijänä ".
Opaššettavat lähettih matkah ta šaneltih Hyvyä Viestie joka paikašša .Hospoti oli hiän kera ta merkkiruatoloilla lujitti heijän šanat .
Iisussa noušou taivahah
карельский: собственно карельское наречие
Новописьменный севернокарельский