Тексты
Вернуться к списку | редактировать | удалить | Создать новый | История изменений | Статистика | ? Помощь
Malitut
Малитутъ
Malitut
карельский: собственно карельское наречие
Старописьменный севернокарельский
Nimeh
Tuatоn i Pojan i Pyhän Hengen , amin .
Jumala , armaštaja ole miula riähkähizellä .
Gospodi Iisuse Hriste , Jumalan Poika , malitun tähe Puhtahimman Šiun Muamon i kaikkien Pyhien , armaššа meitä , amin .
Kunnivo Šiula , Jumala miän , kunnivo Šiula .
Taivahaini Cuari , Viihyttäjä , Hengi toven , Kumbani d’oka paikašša olet i kaiken täyttäjä , hyvizien alku i elämän Andaja , tule i ole meisä i puhašša meitä kaikkiešta pahašta i varjele , Hyvä , henget miän .
Pyhä Jumala , Pyhä Väkövä , Pyhä kuolematoin , armašša meitä (kolmičči ).
Kunnivo Tuatolla i Pojalla i Pyhällä Hengellä i nyt i kaikičči i ilmazen ikäh , amin .
Kaikkien Pyhin Troičča armašša meitä : Gospodi , puhašša miän riähät ; Valdavoičija prossi miän työt zuakonan vaštat ; Pyhä tule i parenna miän voimattomut , Šiun nimeš tähe .
Gospodi , armašša (kolmičči ).
Kunnivo :…I nyt …
Tuatto miän , Kumbani olet taivahašša !
olkah pyhitetty Šiun nimi ; tulkah Šiun valdakunda ; olkah Šiun valda kuin taivahašša , niin i mualla ; leipä miän tarpehellini anna meilä täkši päiväkši ; I dätä meilä velat miän niin kuin i myö dätämmä miän velkahizilla i elä šuata meitä kiužuukšeh , vain piäššä meitä pahašta .
Bogorodice Devo , ihaššu Jumalan hyvän Šuaja Marie , Gospodi Šiun kera : lykykkähin olet Šie naizien šiäššä i lykykäš on Šiun vačan šualis , niin kuin Šie šynnytit Spuassun Miän henkien tähe .
Varjele , Gospodi , Šiun rahvaš i blagoslovi Šiun hyvyš , anna voitot viha miehen piällä oikien uškojalla Cuarilla miän Miikulalla Aleksandrоvičalla , i šäilytä Šiun rissillä Šiun elämä .
Malittu murkinan iellä .
Šilmät kaikkien Šiun piällä (luo ), Gospodi kačetah vuotannun kera i Šie annat heilä ruuvan konže pitäy ; avuat Šie kylläzeš kiäš Šiun i täytät kaikki elävät hyvykšellä .
Malittu murkinan dälkeh .
Kiitämmä Šilma , Hriste , Jumala miän d’otta kylläzekši luadit meitä muallizella Šiun lahjalla š , elä heitä meitä taivahallizeštaki Šiun Carstvašta .
Huomenekšen malittu .
Šiun luo , Valdavoičija , Inehmizen šuvaččaja , makuamašta nouštuo tulen i staraičivvun ruatua Šiun ruavot , molin Šiula : auta miula d’oka aikana i d’oka ruavošša i piäššä milma kaikešta muailman pahašta i diavolin avušta i varjele milma i šuata ikyhizeh Šiun carstvah .Niin kuin Šie olet miun Luadija i kaiken hyvän Murehtija i Andaja i Šiun piällä (luo ) on kaikki vuotandu miun i Šiula kunnivon työnnän nyt i kaikičči i ilmazen ikäh , Amin .
Illallini Malittu .
Gospodi Jumala miän , min mie olen riähkäytyn tänäpiänä šanalla , ruavolla i mielellä , niin kuin Šie olet Hyvä i Inehmizen šuvaččaja , prossi miula : rauhahan i vakavan unin anna miula ; Angelie Šiun Šäilyttäjyä työnnä kattajua
i vartajua milma kaikešta pahašta .Niin kuin Šie olet Šäilyttäjä hengilöitä i hipeitä miän i Šiula kunnivon työnnämmä Tuatolla i Pojalla i Pyhällä Hengellä nyt i kaikičči i ilmazen ikäh .Amin .
Totta on d’otta oiken kunnivoičie Šilma Jumalan Šuajua , kaikičči kunnivoitavua i kaikien puhtahua , miän Jumalan Muamuo .Enämbi Heruvimoja kunnivoitavua i korkiembi kunnivoitavua Serafimoja , läzimättä Jumalan Šanan šynnyttäjyä , olijua Jumalan Šuajua Šilma kunnivoičemma .
Malitut
карельский: собственно карельское наречие
Старописьменный севернокарельский