Тексты
Вернуться к списку | редактировать | удалить | Создать новый | История изменений | Статистика | ? Помощь
L’ubov’ Baltazar. UINOTUSPAJO
L’ubov’ Baltazar
UINOTUSPAJO
карельский: ливвиковское наречие
Новописьменный ливвиковский
Tuuli
tuhuu ajelou ,
Tuhu lundu kandelou .
Heittyy kate pehmei ,
Siä tulou selgei .
Tuhuu yö itkettäy ,
Tuhu yön pitkendäy .
Ole , tuhu , vaikkaine ,
Eiga tulou pakkaine .
Tuhu lundu viuhkuttau ,
Muamo lastu liikuttau .
Tullah mieleh sanazet ,
Parahat kai pajozet .
Muate mendih bobazet ,
Kirjavat da čomazet .
Silmät mennäh umbeh ,
Tulgua , suarnat , uneh .
Kuuluu unis kellostu ,
Uneh tulou hebostu .
Älä potki , jalgaine ,
Tulou rauhu aigaine .
Uneh tulou koiraine ,
Tuttavu da omaine .
Älä tule , pahačču ,
Eiga lapsi havaččuu .
Uneh tulou poččistu ,
Opittelen oččastu .
Uneh tulou kaži ,
Älä , lapsi , läži .
Terväh taivas valgenou ,
Lapsen uni harvenou .
Tulou uneh lindustu
Valgiedu da sinisty .
Sinisty da keldastu ,
Harmuadu kui pelvastu .
Pajattamah pajostu ,
Nostattamah lapsuttu .
UINOTUSPAJO
карельский: ливвиковское наречие
Новописьменный ливвиковский