Тексты

Aleksandra Lesonen. Karjalaini starina eleyty näyttämöllä

подкорпус: публицистические тексты

Источник:

Oma mua. № 8, 2025, с. 7

Aleksandra Lesonen

Karjalaini starina eleyty näyttämöllä

карельский: собственно карельское наречие
Новописьменный севернокарельский

Tuiskukuun 26. päivänä
Koštamukšen Družba-keškukšen pieneššä
šalissa
Orvokki-kuklateatteri vietti
uuvven
Piili
, piili
, Pilkkaseni -spektaklin enši-illan
.

Šali
oli
täyši
. Karjalaisen
Mušta
šoršani -kanšanstarinan mukah
luajittuh näytelmäh
tuli
eri-ikäsie kaččojie.
Monie
kaččojie lumottih
kuklat, kumpasie
käsin
valmissettih
teatterin
ohjuaja
Tatjana Grebzde ta
teatterih
ošallistuja
Namestnikovien pariskunta, šekä uuvvešša
spektaklissa käytetty
musiikki.
– Valičin
musiikkie näytelmyä
varoin
yheššä
iänišuunnittelĳan Sergei Zujevin kera
. Mukavašti
muokatut karjalaiset
šävelet, eri
iänieffektit hyvin
šovittih
kuvah
näyttämöllä, kerto
Tatjana F’odorovna.
Spektaklin lopušša
kaččojat
lahjotettih
voimakkahie
räpytykšie teatterin
näyttelĳillä – karjalaisen
kulttuurin
etnografisen Vienašeuran ošallistujilla ta
ohjuajalla Tatjana Grebzdellä. Aikuhiset
ta
lapšet
järještäyvyttih jonoh
, jotta
heitä
valokuvattais kuklojen ta
artistojen kera
.
– Milma
oikein
miellytettih lavaššukšet, kuklat. Kaikki
on
luajittu
kaunehešti
ta
korkiella
tašolla. Mie
ihmettelin
, konša
šain
tietyä
, jotta
še
kaikki
oli
käsin
valmissettu
teatterin
ošallistujien voimin. Kaupunkin
vierahana
ollešša
mie
tykkäsin
, jotta
on
šemmosie
näytelmie
, kumpaset
tuttavuššutetah karjalaiseh
kulttuurih
, esitetäh
šitä
lapšilla
. Še
on
tosi merkillistä. Koštamukšen entisenä
eläjänä
mie
tunšin ylpevyttä šiitä
, jotta
on
šemmosie
mainivoja tapahtumie
, huolellisie
ta
alkuhpanĳie kaupunkilaisie
, ket
kannettah šivissyštä ta
kulttuurie
luajalla yleisöllä, šano
omua
mieltä
kaččoja
Ol’ga
Ipatova.
Spektakli vietettih
"Karjalan
pelletin" kannatukšella
.