Тексты
Вернуться к списку | редактировать | удалить | Создать новый | История изменений | Статистика | ? Помощь
Valentina Kondratjeva. Ystäväžet kummatetah
Valentina Kondratjeva
Ystäväžet kummatetah
карельский: ливвиковское наречие
Новописьменный ливвиковский
Pidäy
myös mainita nelliä ystävästy ‒ vesselii , kummakkahii ristittyzii heijän ukkoloinke , kuduat jo kaikin ollah eläkkehel .Duumaičetto hyö ruavastuttih ?Roittih tovellizet , vagavat , surjoznoit naizet da miehet ?Eigo vai !Konzu pidäy moizennu olla , se on vältämätä muga .
No elokses , perehis on kaikenmostu tapahtustu ‒ piendy dai suurembastu .Toiči pidäy varas pidiä ylen suuri diplomuatii mollettiloil .Juumoran vuoh piästä riijas piäliči , kui sanotah "pienel verel "…
Jällel huondesveruo Peša virki Zoja-mučoile :
‒ Lähten kuoppah .Sie jäi vähämidä ruaduo .Yhtistän sähkölangat , išken pualičat da azun kartohkale kolon .Sit kuoppu valmis !Zoja !Kuulitgo ?
‒ Kuulin , kuulin , Peša ! Sežo vönyttäjen vastai Zoja .
Naine smietii .Häi muga sanou .Vähä ruaduo !Net ruavot azuu muga čopakkoh da čomasti , voibi loppie huomei , a toinahgi huomenenjälles .Vie midägi ližiäy .Zoja muhahtih da hil’l’azeh šupetti :
‒ A ei kunne ole kiireh .Anna čopottau .Ruavota on atkal .
Tuli jo murginan aigu :
‒ Pidäy lähtie kaččuo , midä telmäy , iče ei tostai tulla syömäh .
Kuopan tamburih veräi oli avvoi , a kuopan sydämeh salvas .
‒ Peša ! Murgin valmis !Minä riputan sovat kuivah da rubiemmo murginoimah .Kuulitgo ?
Peša ei vastannuh .
‒ Kunne ollou lähtenyh ? Da min kerdua olen sanonuh , lähtet ‒ salbua tamburin uksi .Jo on syvyspuoli , täl aigua hiiret da rotat ečitäh ičel talvekse elossijua .
Zoja salbai veriän da čökkäi vie valelukun .Pešua ei olluh ni sarual , ni koin pihas .
‒ Olgah , tulou . Toinah on järven rannal , sie häi puaksuh pidäy vies ongiloi .
Jo meni läs čuassuu .
‒ Pidäy kävvä järvele . Eiga murgin vilustuu .
Peša kuuli kui Zoja kävyi , ga ei andanuh iändy .Häi okurat oli yhtistännyh sähkölangan .Kuopas valgei !Da häi smietii olla vaikkani , anna roih mučoile s’urpriizu , konzu kai roih valmis .Anna ihastuu .
A nygöi murgin !Avai uksen tamburih , a sie pimei .Punaldi sinnegi lampočkan da vieldi kiägäs veriädy .Se salvas !
‒ Mi kummii ? Ken viäryniekku ?
Enzimäzekse iče !No mikse Zoja pani lukun ?Istun , vuotan …Hyvä hos valgei on .Istun vie , ga taba rubei nouzemah .Tahtoin Zojale s’urpriizan , a rodih ičel .Istu nygöi kokota !Häi toinah laukkah lähti .Taba vie nouzi .Opin riuhtuo kiägäs .Kaksi-kolme kerdua da kiägy jäi kädeh .Ga ni jallal et potki , veräi avavuu sydämeh .Otin pal’l’azen , perran ustu , kuulen :
‒ Oi , Pešoi !Sinä siego olet ?Kuldu ristikanzu !
Zoja nygöi duumaičči , enzimäzekse pidäy aleittua ukon taba , a sit äski avata veräi .
‒ Vuota , Pešoi , avaimen lövvän .
‒ Mittuzen avaimen ? Oletgo hajus ?Avain on minul kormanis .
‒ Ga , Peša-rukku , sinä olet tavas !
‒ Avua , eiga vie enämbäl tabavun !
‒ Pešoi , minä täs duumaičin toinah tänä sygyzyn ostammo sinul venehen ?
Peša vaikastui .Miehel rodih diivo , nengoine kiänälmys !Ei pie tabua kiinittiä …Häi jo kaksi vuottu nostau tädä kyzymysty , himoittau veneh da mouttoranke .Se vešši pädis kalastajes dai kävves meččäh da suole toizel puolel järvie .Mašinal sinne et piäze , dorogu paha .
Mies vai kodvazen oli vaikkani da vägi kovasti vastai :
‒ En tiijä , gu mouttoranke yhtes vai !
‒ Ga se tiettäväine ! Ei onnuakko , muga , se muga .
‒ Veräi avua !
‒ Toinah huomeigi ostammo ? Kuoppu jo valmis !
‒ Mis tiijät ‒ on valmis ? Kui minä sain pimies valmistua ?ližäi "löylyy " mies , da sammutti tulen .
‒ Sinä pimies ? Pešoi !Minä nygöi vie enämbäl varuan avata .Lauzenigo sinun taba hos vähäzel ?
‒ Lauzeni , lauzeni ! A jiäygo "reboile " uskalmo hengih ?
‒ Ei ole "reboidu ". Särizii "jänöi " veriän tagan .
"Nygöi voin huoleta avata veriän , ičekseh smietii Zoja . – Taba Pešale hävii ."
‒ Ga pimeihäi on ?
‒ Tule , tule , älä varua . En ole hukku , en syö jänöidy .Kačo menöygo minun ruado mieldy myöte ?
Zoja hil’l’azeh avai veriän :
‒ Mittuine čoma , valgei , puhtas kuoppaine !Pädöy kaččuo sinun ruadoloih !Sinä olet minul moločču !
Nedälin peräs mollettiloile oččah tuli veres ilmu .Molodoit uvvel venehel mouttoranke ajettih poikki järvie buolah .
Ystäväžet kummatetah
карельский: ливвиковское наречие
Новописьменный ливвиковский
‒
‒
‒
‒
‒
‒