Тексты
Вернуться к списку | редактировать | удалить | Создать новый | История изменений | Статистика | ? Помощь
Valentina Libertsova. Virboin kukkazet
Valentina Libertsova
Virboin kukkazet
карельский: ливвиковское наречие
Новописьменный ливвиковский
Pajuloin
kukkazet ,
Gu hienozet jänöizet ,
Pehmiet da valgiezet ,
Harmuat piähyzet ,
Lyhyčät händäzet ,
Oksazil istutah ,
Talvi kai kukitah .
Sygyzyl uinottih ,
Kodazih peityttih
Vihmois da vilulois ,
Tuulis da lumis .
Gu kätkyölöis häilyttih
Da kukkazii havvottih .
Vuottamata lämmin karahtih ,
Liijan tuores tuuli puhaldi ,
Havačutti nukkujat kukkazet ,
Avai sumbat kodazien veriäzet .
Jänöihyöt turvottih ,
Varboih lujah tartuttih ,
Kodvaine lämmäs riputtih ,
Häilyttih ,
Liedžuttih ,
Kižattih .
Ga uvvessah talvi tuli ,
Udžve pakui da suli ,
Tuhut da pakkazet tuldih ,
Vai virboin jänöizet kestettih !
Kai talvi , gu keviäl , kukittih ,
Tervehel nävöl ovvostettih .
Ristittyöt ihastuksis kačotah :
Virboin kukat ozua uskaldetah .
Toinah , toven tulou kevät ,
Tullah valgiet , lämmät ehtät ,
Oksat lehtih puhketah ,
Niittykukat avavutah .
Virboiviččua katkommo ,
Lapsienke čomendammo ,
Lentočkazii sivommo ,
Linduzii tartutammo .
Kirikös net seizotah ,
Pyhitändiä vuotetah .
Pappi vetty priskuttau ,
Malittupajuo šupettau .
Rahvas kodih otetah ,
Ehki pahois vardoijah
Pajun hienot kukkazet ,
Kummallizet jänöizet …
Virboin kukkazet
карельский: ливвиковское наречие
Новописьменный ливвиковский