Тексты
Вернуться к списку | редактировать | удалить | Создать новый | История изменений | Статистика | ? Помощь
Lugekam “Kalevalad”!
Lugekam “Kalevalad”!
вепсский
Младописьменный вепсский
Keväz’kun
lopus tehtihe "Lugem "Kalevalan " runoid " -onlain-konkursan ühthevedod .
Täl vodel konkursaha ühtniba lugijad Petroskoišpäi da Änižröunan , Präžan , Oloncan , Kalevalan , Segežan i Louhin rajonoišpäi .
Konkursan ühtnikad voibištelihe koumes nominacijas : "Kalevalan " runod karjalan kelel (livvin pagin , lüdin pagin , karjalan kelen pohjoižpagin ), "Kalevalan " runod vepsän kelel da "Kalevalan " runod suomen kelel .Kaikuččes nominacijas oli koume igäkategorijad : 12–15-voččed , 16–23-voččedb i 24-voččed da vanhembad .
Videorolikad "Kalevalan " runoiden lugemiženke vepsän kelel oigenziba Petroskoin universitetan üläopenikad , Šokšun da Šoutjärven školiden openikad .
– Meiden školaspäi konkursaha ühtni 6. klassan openik Natalja Čausova – hän sai ezmäižen sijan . Mugažo runoid lugiba 9. klassan openikad Darja Bošakova da Daniil Fatejev , hö saiba toižen sijan konkursas .Vaumištimoiš konkursaks koumen nedalin aigan ."Kalevalan " tekst om lapsile jügedahk lugemižen täht . Konkurs om tarbhaine : školprogrammas ei ole jagetud äi aigad eposale , openikad ei tekoi "Kalevalad " hüvin .Mugoižiden konkursoiden taguiči lapsed süvemba tundištasoiš eposanke , – sanui školan opendai Ales’a Anušenkova .
Konkursan vägestajid valičiba Petroskoin universitetas baltianmeren suomalaižen filologijan kafedran karjalan , vepsän da suomen kelen opendajad .Vägestajiden lugetišenke voib tundištadas baltianmeren suomalaižen filologijan kafedranb "VKontakte "-gruppas .
Lugekam “Kalevalad”!
вепсский
Младописьменный вепсский