Тексты
Вернуться к списку | редактировать | удалить | Создать новый | История изменений | Статистика | ? Помощь
Mehed L’udmila . Nina Gerasimovan kultaset kiät
Mehed L’udmila
Nina Gerasimovan kultaset kiät
карельский: собственно карельское наречие
Новописьменный севернокарельский
Tänäpiänä
miun kertomuš on ihmelliseštä karjalaisešta naisešta Nina Gerasimovašta .
Nina Afanasjevna tunnuštau :
– Mie šynnyin laulu šyväimeššäni .
Naini on šyntyn Haikol’an kyläššä šuurešša karjalaisešša pereheššä .
– Meijän kyläššä melkein kaikki eläjät oltih kirjailijie tahi laulajie . Aššut meččyä myöte , kaunehen järven rantua pitin , linnut lauletah , kuuluu puijen šuhina ta tuulen henkityš – koko luonto auttau meitä laulua karjalaisie lauluja , muhien kertou miun pakinakaveri .
Pereheššä kašvo šeiččemen lašta .Šotavuosina tuatto luati pyššyjen ponšija , vanhemmat lapšet ruattih paimenina .Vanhin An’a-čikko koko šovan vietti partisanijoukošša , paisto šielä leipyä .
Nina Gerasimova eli pitän , mukavan , tulokšellisen elämän .
Hiän mäni miehellä 18-vuotisena , nuorena ta kaunehena neiččyönä .Pereheššä šynty kolme lašta .
Naini ruato poštissa , oli poštiošašton piälikkönä .Pereh šiirty Koštamukšeh vuotena 1978, konša kaupunkie vašta rakennettih .Monivuotisen työuran aikana Nina Afanasjevna ruato Koštamukšen rautamalmirikaštamolla šekä poštissa .
Nina Gerasimova on Karjalaini gorničča -folkloriyhtyvehen yksi enšimmäisistä ošallistujista .Nyt hiän on karjalaisen kulttuurin Viena-šeuran jäšen , laulau lauluja ta keittäy makeita šyömisie .Jo monta vuotta naini šäilyttäy ta šiirtäy nuorisolla omie tietoja karjalaisešta kulttuurista , tavoista ta kieleštä .
Nina Afanasjevnalla on 85 vuotta ."Hopeijen volont’orien " rivilöih hiän yhty melkein heti aktijon alušta lähtien – hiän on vanhin ta kunnivotuin jäšen .
Hyväšiämini ta nerokaš karjalaini naini opašti meitä luatimah peittoverkkoja niin , kuin kalaštajat kuvotah omie verkkoja .Ta nyt kaikki volont’orit aktiivisešti kuvotah verkkoja , a iče Nina Gerasimova luati jo yli šata verkon pohjua !
Naini tietäy mitä varoin hiän joka päivä kutou verkkoja .Hiän on varma , jotta ne pelaššettih monta elämyä erikoisen šotaoperatijon alovehella , vet hänen kakši punukkua myöšty šovašta ."Hopiet volont’orit " arvoššetah vesselyä naista hyväštä luonnošta , positiivisešta mielialašta . Hiän on hyvin elävä ta optimistini ihmini .
Nina Afanasjevna on uuraš kalaštaja .Hiän vielä nytki yksin ajau venehellä järvellä , laškou verkkoja ta pyytäy kalua , a šiitä valmistau makeita kalaruokie .
Tovelliset karjalaiset lapšuošta on totuttu pyytyä kalua .Hyö iče kuvotah ta paikatah verkkoja šekä tiijetäh hyvin monta kalašyömistä .
Karjalaiset on ahkera ta vierahanvarani kanša .Meččä ta järvi on heijän oma ympäristö , mi auttau heitä elyä , luuvva , olla tervehenä .
– Tahot elyä pitälti – joka päivä šyö kalua , veny mualla imien šieltä kaikkie hyvyä ta konšana elä elä yksin , šemmosie neuvoja antau kaikilla viisaš Nina Afanasjevna .
Nina Gerasimovan kultaset kiät
карельский: собственно карельское наречие
Новописьменный севернокарельский
–