Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Sinitskaja. Yksinäine Palagu
Natalja Sinitskaja
Yksinäine Palagu
карельский: ливвиковское наречие
Новописьменный ливвиковский
In’a buabahke puaksuh
käydih Palagu-buaballuo .Palagu eli pienes kodizes järves poikki ihan yksinäh .
– Pidäy lähtie hos Palagastu tiijustua , eiga yksinäinehäi gor’a on , sanoi buabo .
– Kuibo se – yksinäine ? ihmetteli In’a .
– Sendäh on yksinäine , ku hänel nikedä omua ei ole . Ukko viestittäh voinal hävii , Palagu jäi kahten lapsenke .Ga net pienete vie kuoltih .Mugai ei mennyh häi enämbiä miehele .Dostalin ijän eli yksinäh , hos leskekse jiädyy oli vie nuori da ylen čoma .Händy sanottih nuorete kyläs – čoma Palagu .
Vahnah Palagah kaččojes In’a nikui ei voinuh uskuo , ku konzuto buabo oli čoma .Nygöi Palagal oldih harmuat tukat da häi kezälgi pidi piäs paikan ual villastu šuapkastu , ihan ku pieni lapsi .Räkel päivälgi Palagu istui kois kuatančoi da aiven paheksi viluu .Rožas hänel oli menetiijämi hienuo ruppistu , se oli gu muršittu bumuagu .
"Paha on yksinäh eliä . Eigo ole kenenke paista , eigo abieloi da igävii sanuo ..."duumaičči In’a ičekseh .
Palagu joga kerdua ihastui buaban da In’an tulendua .Häi kerras rubei šeimimäh , ehätti stolale kaikkie , midä vai oli .
Buabo da Palagu taratettih elettyy , juohatettih toine toizele ken kenelle rodn’akse tulou .Buabo saneli Palagale uudizii : ken nai da miehele meni , kelle lapsi rodih , ken kuoli .
In’a sil keskie istui stolas , puhui hiilavah čuajuh da kasteli sih pečen’n’ua .Se tuli nenäh homehel .Buabo sellitti jo In’al , mindäh pečen’n’at tuldih homehel .
– Palagazel on pieni pen’zii . Häi ostau n’amuu vai gos’tih niškoi da pidäy niidy ruokos .Ga harvattavah hänellyö rahvas kävväh ...
— Pädöy toinah sinul , kogo arteli bunukkua on : elät gu piäsköin pezäs , luvetteli Palagu da silitteli In'an piädy .
Yksinäine Palagu
карельский: ливвиковское наречие
Новописьменный ливвиковский