Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Sinitskaja. Kyly
Natalja Sinitskaja
Kyly
карельский: ливвиковское наречие
Новописьменный ливвиковский
In'a ylen
äijäl suvaičči käyvä kylyh .Suovattupäivy oli ku pruazniekku rouno .Kylys muamo ezmäi pezi Pal'an .Hänelegi kyty oli mieleh : Pal'a hihitti da ohki .Brihaččuine kaččeli koivuvastan lehtii da kai oppi tungie
niidy suuh .Pal'ua pandih virumah laudazile , vähäzel kosketettih vastal da jälles valatettih sundozel viel .Toibunuh da väzynyh lapsi kiärittih od'd'ualah da tuatto vedi hänen kodih .Toizekse oli In'an vuoro .Muamo kylvetti händy vastal da kodvazekse laski huogavumah kylyn senčoih .Kezäl muamo keräi žiiloidu , pani niilöi tuazah da valoi piäle hiilavua vetty .Nämil vezil muamo pezi In'an tukat da sellitti mikse häi muga ruadau : tukat sit roitah läpettäjät da tervehet , kazvetah pitkäkse .
In'ua valattajes muamo sanoi luvun , kuduan neičykky painoi mieleh :
— Vezi-kuldaine kuningas , vezi-vedoine tasta oigei hengi In'a .
Yhtelläh paras , midä oli kylys , oldih muaman "suarnat " — häi saneli kylynižändäh näh .Konzu In'a unohti da rubei liijal mängymäh kylys libo pajattamah , muamo vagavah sanoi :
— Älä hälize , kylynižändy sidä ei suvaiče .Älä tabavuta händy .
Kylynižändäh näh In'a tiezi muamas : häi oli parrakas vahnušši .Kylynižändy eli kylynsenčois halgopinon tagan .
— Mindähbo minä ni kerdua en nähnyh händy , ihmetteli In'a .
— Häi ei ozuttai ristittyzile , vikse ujosteleh , sendäh ku häi on ihan alasti .
Muamo n'evvoi In'ua :
— Kylys lähtijes kylynižändäle pidäy jättiä vetty da vastu — häigi tahtou pezevyö . Buabo sanoi , kačo , joga kohtas ollah ižändät : tahnuos net vardoijah žiivattoi , kois taloin eläjii pahuksis da ozattomuksis ,
voijahgi ennustua pahua .
— Net ylen harvah ozutetahes . A ku ozutannehes , sanommo , koinižändy , pahua pidäy vuottua .
Kyly
карельский: ливвиковское наречие
Новописьменный ливвиковский
—
Синицкая Наталья
Баня
русский
-