Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Sinitskaja. Paginal oldih Voitonpäivy da kul’tuuru
Natalja Sinitskaja
Paginal oldih Voitonpäivy da kul’tuuru
карельский: ливвиковское наречие
Новописьменный ливвиковский
Karjalan
tazavallan piämiehen tyves toimijan Karjalazien , vepsäläzien da suomelazien edustajien nevvoston vuoronmugaine istundo piettih 15. oraskuudu "Kandelehen kois ".
Karjalazien , vepsäläzien da suomelazien edustajien nevvoston vuoronmugaine istundo piettih 15. oraskuudu "Kandelehen kois ".Paginal oldih Suuren Voiton 80-vuozipäivy da kul’tuurualan dielot .
Kandelehen ansamblin ruavos , kudai vuvvennu 2026 täyttäy 90 vuottu , pidi paginua sen piälikkö Natalja L’vova .
– Mennyt vuon oli pietty 446 ezitysty , kudamile tuli 28 839 kaččojua , valmistettu 35 programmua . Tämän vuvven enzimäzes kolmes kuus Kandelehen ansamblin konsertoile on käynnyh 3931 hengie , sanoi Natalja L’vova .
Kanzallizen teatran ruavos saneli sen johtai Sergei Solovjov .Teatral on 46 ozutustu , kudamis 14 ollah karjalan , vepsän da suomen kielel .
– Mainittavat ollah "Kalevalan " muga luajittu "Hyperbolaine ", "Romeo da Džuljetta ", kuduadu ozutetah karjalan , vepsän , suomen , marin da tatuaroin kielil . Luven vie ozutelman "Üks’ , kaks’ , koume , ecmas sindai olen ", kuduas suau kuulta vepsän kieldy da Skamn’aine-ozutelman , kuduas on suomen kieldy .Kielen puoles teatran rahvastu alallizesti autetah Galina Lettijeva , Nina Zaitseva , Ol’ga Ogneva , Galina Baburova , Ronja Kinnunen .Teatru on yhtehizes ruavos Karjalan sanomat -lehten , Oma Media -portualan da Karelia-TV :n kel , sanoi Sergei Solovjov .
Teatran piälikön sanoin mugah nygöi valmistettavannu on uuzi Taikamal’l’a elikkä Matka toiseh Muailmah -ozutelmu , kuduan enzi-ildu rodieu 17. kezäkuudu 2025.
Mustoitettihgi Karjalan Rahvahan liiton kel yhtes luajittu karjalankieline spektakli "Oniegujärven kruuževot ", kudai ozutettih Karjalazien X kerähmös .
Nevvoston istundos kul’tuuru - da muuzikkukolledžan da Petroskoin konservatourien opastajat kerrottih niilöin taidojoukkoloin johtajien valmistandas , kenen ruado on kiini Karjalan kandurahvahien perindöllizen kul’tuuran säilyttämizes , kehittämizes da popul’arizatsies .
– Petroskoin konservatourien suomelas-ugrilazien rahvahien muuzikan laitos on ainavo muailmas , kus valmistetah suomelas-ugrilazii etnomuzikoulogoi . Meil opastutah karjalazet , vepsäläzet , inkeriläizet , komilazet , udmurtat , mordvalazet , marilazet , hantit , mansit .Laitoksen olemas olemizen aigah on valmistettu enämbi 170 korgiesti opastunnuttu spetsialistua .Meijän opastujat perinpohjin tutkitah ennevahnastu da nygyaigastu rahvallistu muuzikkua , maltetah soittua eri soittimil , pajatetah , sanoi Svetlana Nikolajeva da samal aigua paheksi , ku opastundan loppiettuu ei kaikil lövvy pättäviä ruadosijua opastundan mugah .
Nevvoston istundos oli paginua yhteiskunnallizien liittoloin projektois , kuduat ollah omistettu Ižänmuallizes voinas voiton merkipäiväle .
– Karjalan Rahvahan Liitto oman projektan hantuzis pidi äijän piduo , kuduat oldih omistettu Voitonpäiväle . Liittolazet suurel joukol käydih Pitkährandah , Alavozeh , Jessoilah , Segeežah , Karhumägeh sanelemah voinan tapahtumis , karjalazis miehis da naizis , kuduat suadih korgiet arvonimen – Nevvostoliiton urhomies , niilöin vuo zien suures histouriellizes merkičykses .Yhtes nuorien kel myö pajatimmo voinanaigazii pajoloi karjalakse , lapset luajittih hyvittelykortiloi Ižänmuallizen voinan veteruanoile da erillizeh voinuoperatsieh yhtynyzile .Nämmih pidoloih yhtyi enämbi 200 hengie , sanoi Valentina Mironova , Karjalan Rahvahan Liiton johtokundah kuului .
Inga Gurilova , Karjalazien X kerähmön vallittuloin nevvoston piälimäine saneli Voitonpäiviä vaste Anuksen piiris pietys pivos .Yhteiskunnallizih liittoloih kuulujat da petroskoilazet školaniekat käydih Anuksen kylih , Alavozen da Videlen Bojukunnivon muzeiloih .
– Itkusilmin pajatimmo yhtes Sinii platoček -pajuo karjalakse , sit kaikin yhtes ven’akse toizii voinupajoloi . Zualas oldih Anuksen piirin lapset da petroskoilazet opastujat , Videlen internuatan rahvas , net , ket mustetah voinanvuozii da ket vai kuultih niilöih nähte , kerdoi Inga Nikolajevna .
Inga Gurilova saneli sežo sit ruavos , kuduadu piettih Voitonpäiväkse nevvostolazet omis kylis .
Tämänkerdazen istundon vedäjänny oli Roman Golubev , kudai vaste ei ammui on pandu Karjalan tazavallan piämiehen sijahizekse da valvou syväinpuolizen poliitiekan azieloi .
Paginal oldih Voitonpäivy da kul’tuuru
карельский: ливвиковское наречие
Новописьменный ливвиковский