Тексты
Вернуться к списку | редактировать | удалить | Создать новый | История изменений | Статистика | ? Помощь
Тикканен Ульяна. Lähtökohtu
Тикканен Ульяна
Lähtökohtu
карельский: ливвиковское наречие
Новописьменный ливвиковский
Himol´as meidy
vuotti enzimäine "kynnys " – korgiet kivokset da mašinoin parkikohtien olemattomus .Tänätalven lundu Karjalas oli äijy , midä loitomba pohjazehpäi – sidä korgiembat kivokset .Traktoru suomiu lundu paikallizil dorogoil muga , ga piästä voibi vaigu pienel mašinazel da vaigu yhteh čurah .Pos´olku on kui labirintu .Paikallizet rahvas suomitah lundu labjal mašinan kohtah niškoi .Mäile vedäjän tropan kohtas oli silei suomen "lumikolal " ut´uužittu paikku .Aleksandr-nimelline mies oli lumii suomimas , ku yön aigah oli äijän tuučannuh . Ižändy ei olluh hyväs mieles meidy nähtyy .Ga ei suurehkon makson uskaldettuu andoi vallan jättiä mašin omah pihah .
Paistes tiijustin , ku Aleksandr hyvin tundou Nataljan Himol´aspäi , kudai on minungi hyvä tuttavu .Inehmine hommuau kirikön kunnostamistu Starije Gimoli -kyläs .Minä kiännin Nataljan kirjutustu kirikköruadolois Oma Mua -lehteh .Aleksandran mučoi on Nataljan abuniekoin joukos .Tämän tiijustettuu Aleksandr jo toizin kačoi meih .Den´goi ei ottanuh da nevvoi andua net kirikköh .Vie andoi oman telefounan noumeran , ku vois auttua , ku pidänöy .
Lähtökohtu
карельский: ливвиковское наречие
Новописьменный ливвиковский