Тексты
Вернуться к списку | редактировать | удалить | Создать новый | История изменений | Статистика | ? Помощь
Aleksandr Kräkkijev. UMBIKAIVO
Aleksandr Kräkkijev
UMBIKAIVO
карельский: ливвиковское наречие
Новописьменный ливвиковский
Istun
ikkunpieles
umbikaivo mieles
ammuzen koin vieres
turbien kuuzen tyves .
Kuuzen oksal ripui
aiven tuohilippi ,
joi sil vetty lippai
juotatustu tirpai .
Sit parzi vestetty ,
laučakse heitetty –
n’uupoittai huogavo –
lähekkäi vavarjo .
Net kai oldih käin tiel ,
kus sai aigua viettiä .
Šläntil laučal stokan
viinutöytön tagan .
Löydyy viinan juojua ,
olis gu vai tuojua .
Silmät zel’l’al valau
vuahtikeroi vajai .
Aijattomal aijal
pahus kubluh ajau ,
ottau hajun humal
houkuttelutaval .
Čäčätti harakku ,
vezi tules š’nuakku
tädä tuohitöyttyy
kagrupellon löydyö .
Yhtel vyöl vyötetyt ,
čuhkehel syötetyt
pyhävedoin hyövys
nouzemale hovus .
Ammuldua sai vetty
ilmai tozieh tottu
buito koivunmahlua
hienuo aromuattua .
Hiiristellen hizu ,
omil jalloil pyzyi ,
väzyksis , gu šliehku ,
savakonke lekui .
Tiedy omua polgii
valuta ei n’olgii ,
hos i šuštutti väit
löntiändy sinnepäi .
Sil pikoi takkaine ,
a olgupiät painoi .
Laihal , gu pirran piil ,
eulluh piäs , eigo piäl .
Ga puolenou syödäy
dai ripsevyy piettäy
suannuol lastu sängeh ,
vidivalgieh hangeh .
UMBIKAIVO
карельский: ливвиковское наречие
Новописьменный ливвиковский