Тексты
Вернуться к списку | редактировать | удалить | Создать новый | История изменений | Статистика | ? Помощь
Galina Baburova. Pit’kvarastadud vastuz lugijoidenke
Galina Baburova
Pit’kvarastadud vastuz lugijoidenke
вепсский
Младописьменный вепсский
"Minun
vepsläine oza " -kirjan prezentacijad Petroskoiš varastadihe pit’kha . Kirj läksi eloho jo necen voden kevädel .Lopuks , azjtego oli planuitud "Periodika "-painištos elokun augotišeks .Prezentacijale tuliba avtoran tutabad , sebranikad , hänen sädandradon navedijad da kirjan tegijad .
– Prozad om jügedamb kirjutada , mi runotust , no prozan abul kel’ kehitoitase enamba . Ližaks , prozan kal’t voib paremba ozutada rahvahan filosofijad .Kirjan pohjaze om pandud istorijoid minun elospäi .Tahtoin ozutada vepsän rahvahan tradicijoid da veroid , – sanui prezentacijal Nina Zaiceva .
Lugeda ut kirjad voib kaikutte tahtnik , siks ku se om kirjutadud kahtel – vepsän da venän – kelel .Venäkeližen variantan tegi iče avtor .
Mi koskeb kirjan čomenzoitust , ka kuvad sen täht tegi taidehpirdai da "Kodima "-lehtesen toimitai Darja Hil’ .
– Om arvokast , miše minei taritihe tehta kuvad novellan täht . Minei oli lujas tärged rata ühtes Nina Grigorjevnanke , tundištadas hänenke lähemba , – sanui Darja .
Pidab sanuda , miše kirjas om äi kuvid .Darjale oli anttud mugoine tegend – pirtta kuva kirjan kaikuččen palan täht .
– Minai oli taht tehta vepsläšt palad mistižembaks – panda sinna enamba metaforoid . Ozutesikš , muga sündui kuva venehenke .Nece pala starinoičeb pähengen tatan surmas kalatesen aigan .Lugii voib nägištada , kut vedes kuvastub tatan siluet , – starinoiči taidehpirdai .– Minä lugin kirjan koume kerdad . Mi enamba kerdoid luged , se enamba melentartuižid melid da idejoid tuleb pähä .
Prezentacijale tulnuzil ristituil oli äi küzundoid Nina Grigorjevnale .Küzündad koskiba avtoran sädandradod da personališt elod .A tetab tedomez’ Irma Mullonen sanui , miše Nina Zaiceva ičeze sädandradon abul ei vaiše starinoičeb vepsläižiš , no ülenzoitab-ki vepsän rahvast .
– Lugen ičtain ozakahaks ristituks . Ved’ se , midä minä olen tehnu , kus olen radanu om-ki minun todesine vepsläine oza , – jagoihe ičeze tundmusil Nina Grigorjevna .
Läheližel aigal Nina Zaiceva toivoti tehta vastused lugijoidenke vepsläižiš küliš-ki .Sigälaižed eläjad mugažo lujas varastaba necidä aigtegod .
Pit’kvarastadud vastuz lugijoidenke
вепсский
Младописьменный вепсский