Тексты
Вернуться к списку | редактировать | удалить | Создать новый | История изменений | Статистика | ? Помощь
Sem’onov P’otr . Kui mužikku jagoi hanhii
Sem’onov P’otr
Kui mužikku jagoi hanhii
карельский: ливвиковское наречие
Новописьменный ливвиковский
Yhtel
köyhäl mužikal loppih leivät .Sit häi mietii pakita leibiä herral .Ku olis minke mennä herran luo , häi tabai hanhen , sen pastoi da suatoi herrale .
Herru otti hanhen da sanoi mužikale :
– Passibo sinule , mužikku , hanhes . Ga kui sinun hanhie myö rubiemmo jagamah .Minul on akku , kaksi poigua da kaksi tytärdy .Kuibo olis jagua hanhi da nikedä ei abejia .
Mužikku sanoi :
– Minä juan .
Häi otti veičen , leikkai hanhel piän da sanoi herrale :
– Sinä olet kaiken koin piä , sinule hanhen piä .
Sit leikkai hanhel tagapuolen da andoi buarin’ale :
– Sinule istujes da koin hoidajes tagapuoli .
Sit leikkai hanhen käbälät da andoi poijile :
– Teile jalgazet — taputakkua tuatan tiedy myö .
A tyttärile andoi siivet :
– Työ terväh lennättö koispäi . Täs teile siibyöt .A jiännyön otan ičele .
Häi otti ičele kaiken hanhen .Herru nagrahtih da andoi mužikale leibiä da dengua .
Elokas mužikku kuuli , kui herru lahjoitti köyhiä mužikkua leiväl da dengal , pastoi viizi hanhie da kandoi herrale .Herru sanoi :
– Passibo hanhis .Vot minul on akku , kaksi poigua , kaksi tytärdy ,
kaikkiedah kuuzi hengie .Kuibo olis andua kaikile yhten verdu
hanhie ?
Elokas mužikku rubei ajattelemah da ei voinnuh nimidä keksie .
Herru työndi kuččumah köyhiä mužikkua da käski jagua hanhet .
Köyhy mužikku otti yhten hanhen da andoi herrale buarin’an kel
da sanoi :
– Täs työ oletto kolmei hanhenke .
Toizen hanhen andoi poijile i sanoi :
– Työgi oletto kolmei .
Kolmanden hanhen andoi tyttärile da sanoi :
– Dai työ oletto kolmei .
A ičelleh otti kaksi hanhie da sanoi :
– Nygöi meidygi hanhien kel on kolme .Kaikkii yhten verdu .
Herru nagroi da andoi köyhäle mužikale vie dengan da leibiä ,
a elokkahan ajoi iäres .
Kui mužikku jagoi hanhii
карельский: ливвиковское наречие
Новописьменный ливвиковский
–
–
–