Тексты
Вернуться к списку | редактировать | удалить | Создать новый | История изменений | Статистика | ? Помощь
Sem’onov P’otr . Kui Pyhän II'l'an jyry tabai mečäs brihaččuzen
Sem’onov P’otr
Kui Pyhän II'l'an jyry tabai mečäs brihaččuzen
карельский: ливвиковское наречие
Новописьменный ливвиковский
Konzu
minä olin pieni , minuu työttih meččäh gribah .Minä menin meččäh , keräin gribua da tahtoin jo mennä kodih .Terväh pimeni , rubei vihmumah da jyrizemäh .Minä pöllästyin da istuimmos suuren puun uale .Oli moine valgei tulenišku , kai silmile rodih kibei , minä ummistin silmät .Minun piäl milienne rubei radžizemah da jyrizemäh .Sit milienne iški minuu piädy vaste .Minä sorruin da viruin kuni ei loppenuhes vihmu .Konzu minä toivuin , puulois tiputtih pizarat , pajatettih linnut da pastoi päiväine .Suuri puu oli katkennuh , a kannospäi nouzi savvuu .Minus ymbäri viruttih puun palat .Minun sovat oldih märrät da tartuttih rungah , piäs oli pahku da se oli kibei .Minä lövvin iččeni hatun , otin grivat da juoksin kodih .Kois ei olluh nikedä .Minä otin stolalpäi leibiä da nouzin päčile .Konzu minä havačuin , näin , minun grivat žuarittih , pandih stolale da jo tahtotah syvvä .Minä rubein kirgumah :
– Työ mindähbo minuttah syöttö ?
Hyö sanottih :
– Sinä midäbo maguat ?Teriämbi tule syömäh .
Kui Pyhän II'l'an jyry tabai mečäs brihaččuzen
карельский: ливвиковское наречие
Новописьменный ливвиковский
–
–