Тексты
Вернуться к списку | редактировать | удалить | Создать новый | История изменений | Статистика | ? Помощь
L’ubov’ Baltazar. Taloin hengi – kyly
L’ubov’ Baltazar
Taloin hengi – kyly
карельский: ливвиковское наречие
Новописьменный ливвиковский
Savukylys tämä
sana ,
Nygözih näh eule pagin .
Tervehytty vaste suat ,
Konzu savukylyh käyt .
Kyly karjalaine paras
Piendarel , vai järven rannas ,
Died’oin taloin jälgiperä ,
Putin kyly hätken eläy .
Taloin tozi hengi – Kyly !
Taembannu hos se pyzyy .
Kävvä hos ei samah ukseh –
Perehenke ainos yhtes .
Ikkunat ei huaristeta ,
Silmii alah , peitos pietäh ,
Harmuat seinät , madal veräi ,
Kylyy čomendeta eihäi .
Joga dieloh kyly pädöy .
Konzu kentah gostih piädyy ,
Vaste jälles pagin pietäh ,
Konzu kylys pezetetäh .
Anna lijat vezi pezöy ,
Ethäi ainos piäze kezoil .
Syötetäh da muate pannah ,
Muga karjalazet ruatah .
Kentah talois läživynnöy ,
Vai mi kibu priičoitunnou ,
Pidäy kyly lämmäh panna ,
Ilmai kylyy ethäi auta .
Suovattu on kylypäivy ,
Kylynke on hommua äijy .
Hyvä maltandu da nero –
Kylyn lämmitändy hierus .
Lämmitändäh aigua lövvä ,
Tahtonet ku tozilöylyy ,
Istu ligahine ielleh ,
Lämmitändäh aigua eulle .
Ollou talvel žiäli halguo –
Lämmitändiä älä algua .
Paras olis poltua huabua ,
Pihkuhalgo kargien andau .
Halguo menöy äijättävy ,
Enne olis hallattavu ...
Ennei pidäs hallot tuvva ,
Levon alle panna kuivah .
Ottanet gu hallot märrät ,
Löyly roihes ylen kargei ,
Hyppiät laudazilpäi kerras ,
Pihal juokset läbi seinäs .
Kuačkut kivih jiädih mikse ?
Palettu ei läbi vikse –
Ei vai yhtet hallot märrät ,
Sit on lämmittäjät pahat .
"Kylmän kylyn kylvettäjät ",
Muatkoit , nethäi ollah viärät .
Pajatammo kylyy pajos ,
Hyviä mieldy andau ainos .
Viegi jälles lämmitändiä
Kyly ottau oman aijan .
Vähäzen vie vilustukkah ,
Ei net lämmät mennä hukkah .
Jygiet kuačkut löytäh ravon ,
Lattien kauti mennäh pagoh .
Päčin lämmät jiähäh seinih ,
Seinät hyvin lämmiä pietäh .
Vastu huškau , nouzou löyly ,
Kylys löylyy hätken löydyy .
Vetty hiilavua ku valat ,
Laudazil kai korvat palau .
Koivuvastu elavuttau ,
Nivelet kai lekahuttau .
Ajau iäres mielet huonot ,
Älä uinuo , mene huoju .
Ollou regiä – löylyy n’uusta ,
Kylyn seinis nogi puhtas .
Hiero kylyn novel ruvet
Kerras tervehtytäh huulet .
Koivuvastu polvih paina ,
Kodvu hiestyö anna .
Lähtöy kibu , nivelehet
Huondeksel jo roijah ehiet .
Koivuvastu luja ylen ,
Lujaksegi luadiu rungan .
Pehmei , silei , ilmai urvua ,
Paras on , ku pimies kuivuau .
Vai ei auta koivuvastu ,
Kobris ollou kazviastu .
St’oklan higeh paina niidy ,
Syblät kuivuau kuigi ikkun .
Parembua ei parandajua ,
Joga sellän oijendajua ,
Vaigu kyly-kylyzeni ,
Hengen puhtas pajozeni .
Konzu astut kylyn jälles ,
Hibjan tunnet kui alasti ,
Joga kohtas moine hoivu ,
Olet buite vaste roinnuh .
Ei sen verdua ole vägie ,
Eigo syödyy , eigo muattuu ,
Vaigu meijän kylyh käydyy ,
Viluu vetty piäle kuattuu .
Savukylys tämä sana ,
Nygözih näh eule pagin .
Tervehytty vaste suat ,
Konzu meijän kylyh kävyt .
Taloin hengi – kyly
карельский: ливвиковское наречие
Новописьменный ливвиковский