Тексты
Вернуться к списку | редактировать | удалить | Создать новый | История изменений | Статистика | ? Помощь
Nina Zaiceva. Sit' - sarnaline jogi
Nina Zaiceva
Sit' - sarnaline jogi
вепсский
Младописьменный вепсский
Voiži
meletada , miše Tan’aine seižui pertedeses .Hän tuli pert’he , habi Darja ehti haškahtada künduses päliči i läksi jogele .
– Sinä hot’ abutaižid mamale sobad jogele veda !
– Ka minä ved’ sindai varastin .
– Varastid sinä ! Jokse , sabuta mamad da abuta hänele .
Vas’ka sabuti mamad :
– Anda , abutan veda .
– Ka min sinä ! Iče ven .Jokse kodihe , jokse !
No Vas’ka oti sobad i levedoil haškuil läksi jogennoks .Mamoi habi ehti hänen taga .
– Oled-ik kaik dengad rajadanu ? – küzui mamoi .
– Ka , jäi vaiše äjak-se .
Darja hengahti .Hän meleti , miše oružjan hän osti hödhuvin .Ka konz hän käveleškanded senke ?A dengad ...
– Ka ved’ sad völ-ki .
– Ka san . A mö völ ühesa päiväd radoim ...Da völ premilahj anttas ...
– Hüvä om . Tarbiž sobid ostta .Ala enambad rajada tühjan !
– Olen-ik tühjan rajadanu ? – küzui Vas’ka .
– Ei ! Minä edehepäi nevoin .Nu ku pidab sinei oružj , ka iče sad dengoid ...
– Min völ san , kaiken sinei andan .
– Nu ka i hüvä , – tünäs sanui Darja .
Hö tuliba jogele .Hanh' panu puzun kivele i sanui :
– Konz huhtoid sobad , ka abutan toda kodihe .
– Min sinä , iče-ki ton !
Tan’aine ištui iknanno .Hanh' ištuihe stolan taga i vaiše homaiči , miše tan'aine ei ole hüviš meliš .
Tan’aine kacui kovas , mustad kulmad oli kingitadud .Vas’ka ei tedand , midä sanuda :
– Sinä ved’ homen lähted ...
– Urad olen . Oliži pidanu jo tämbei ajada .
– Mikš ?
– Sikš ku sinä manitid mindai !
– Minä-k manitin ?
– Ka en minä !
– Sanu sel’ktas . Miš manitin ?Konz ?
Hän kacuhti Tan’an sil’mihe , no hän ei käraudand sil’mid .
– Muštad-ik . Min minei olid toivotanu ?Midä tahtoid tehta kahesan klassan jäl'ghe ?
– Nu ka midä ? – Vas’ka el’gendaškanzi , miš om pagin .
– Meil tämbei oli Pahomov , minä kulin , miš hö pagižiba tatanke . Minä nügüd’ tedan , midä sinai meles om .
– Tan’aine , minä sinei tahtoin aigemba sanuda ...
No hän ei kundlend .
– Minä sinei uskoin , toivoin , miše sinunke vasttamoiš lidnas ...
– Tan’a , kundle !..
– Midä kundelta ? Kulin , kut tatoi sanui , miše sinuspäi hüvä kombainan vedäi tuleb .Ku sinä meletaižid minus , ka ed läksiži kombainale .
– Kuled-ik , nece om pärad ! – johtuti Vas’ka Prokatovan sanoid .
– Voi sinä ! - hengahti Tan'aine . - Jose ed tedand , miše minä tehnikumha läksin sinun tagut . Meletin , voden opendamoi , i sinä tuled lidnaha .
– Tan’aine , en tedand necidä !
– Ka ed tedand ... Sinä minus-ki unohtid ,– Tan’aine pästi kündlid . Nece oli hondomb kaiked .Vas’ka ei voind tirpta , konz naižed voikaba .
– Ku sinä ed heitä voikud , ka minä otan oružjan i rikoimoi .
Tan’ka heiti voikun .
– Min sinä , Vas’a ! Ala voi !
Vas’ka mujušti , nügüd’ hän-ki voikaškandeb .Miše Tan’aine ei nägištaiži , hän pästi pän hänen ougale .Vas’ka ei hengitand-ki .
– Ei tarbiž , Vas’a ! Minä uskon .Kuled-ik ?|– i hilläšti kingiti huled hänen korvanjurhe .
Toižel päiväl vihmui .Hö koumen – Tan’aine , Sergei i Vas’ka , läksiba raudtestancijale .Vas’ka kandoi Tan’an sumkan .Sergei , miše ei telustada sebranikale i sizarele , se joksi edehepäi , se jäi tagana , se eci babarmoid .
Sit' - sarnaline jogi
вепсский
Младописьменный вепсский
–
–
Анатолии Петухов
Сить - таинственная река
русский
—
—