Тексты
Вернуться к списку | редактировать | удалить | Создать новый | История изменений | Статистика | ? Помощь
L’ubov’ Baltazar. Tihi-pin’oi-čakku puadari
L’ubov’ Baltazar
Tihi-pin’oi-čakku puadari
карельский: ливвиковское наречие
Новописьменный ливвиковский
Pikoi-pieni , ainos
lähäl ,
Hoikku pitky n’okku ,
Ehti et nimidä nähtä ,
Se no sinuu n’okkuau .
N’okkua andau jogahizel ,
Hyvin vastah ottau ,
Vierastu dai omahistu
Ilomielis n’okkuau .
Vuottau čakku , konzu kentah
Iče tulou rinnal ,
Hyväs mieles vastah lendäy ,
Istaldahes pinnal .
A gu hätken ethäi tule ,
Eule kedä ukata ,
Pin’oin pitkän pajon kuulet ,
Ollou jalgu sukatta .
Eihäi čakku ole viäry ,
Ei nikedä kuččunuh ,
Pal’l’as ollou käzi , siärys ,
Terväzeh sen mustoittau .
Soittau omua jouhikkostu ,
Lendäy päivypastozeh ,
Vongahuttau yhty , tostu ,
Miellyttäyhäi pajoine ?
Kuni pajuo kuundeletto
Hil’l’astu da igäviä ,
N’okkuau , hosgi suuttunetto ,
Hoikkastu dai lihavua .
Muijal se ei malta eliä ,
Karjalas on paras ,
Meččysuon muanperäs ,
Lämmäzes da märräs .
Tihi – kaikkiel kandueläi ,
Älä sidä čakkua ,
Joga kohtas oma meijän –
Tihi , pin’oi , čakku .
Tihi-pin’oi-čakku puadari
карельский: ливвиковское наречие
Новописьменный ливвиковский