ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Краткая Священная исторiя. Pyhien Apostoloin toimitukset

подкорпус: памятники письменности

Источник:
Начатки христiанскаго православнаго ученiя на карельскомъ и русскомъ языкахъ. Санктпетербургъ: въ синодальной типографiи, 1882, с. 54–56

Краткая Священная исторiя. Пӱгièнъ Апостолойнъ тоймитуксèтъ

Пӱгièнъ Апостолойнъ тоймитуксèтъ.

Тойзèлъ айқуа, конзу Апостоли Педри тèрвèхтӱтты̀ рамбанъ инèгмизенъ Ерусалиманъ кирикöнъ уксèнъ-луо, и конзу сы̀дä куммуа каччомахъ юоксы̀ рагвасъ, мӱöстей ӱхтèлъ проповѣдилъ Педри кiäнды̀ Христахъ вiйзи тугатту генқей.
Iудейтъ, кудаматъ эй ускотту Христахъ, тахтотты̀хъ кезкустуа Христанъ опастуксèнъ левiэмистӱ и сèндäхъ рувèтты̀хъ вайвуамахъ энзимäй Апостолой, а я̈ллèсъ и тойзiй Христахъ ускоiй Ерусалимасъ. Апостолитъ тирпèтты̀хъ тӱрьмисъ вайвуамизетъ и кибiэтъ; а энзимäйнè дiаконъ Стефанъ оли тапетту кивилöйлъ.
Но Юмалъ сèнъ вайвуамизèнъ кiäнды̀ Ристиканзойнъ усконъ гӱвӱöксè, сèндäхъ-куй нè ускоятъ, вайвуамизенъ-тäхъ, пайтты̀хъ iя̈рèсъ Ерусалимасъ, и лèвитèтты̀хъ Христанъ опастусту тойзисъ пайкойсъ.
Савли, ӱкси вайвуаисъ, Дамаскихъ меннèсъ, нäқи авауннуосъ тайвагасъ Господинъ Iисусанъ, Кудай саной гäнèлэ: Савли, Савли! миксè Минуу вайвуатъ? Тäлъ я̈äвиндäлъ Господи Иче кiäнды̀ Савлинъ омахъ ускохъ и пани гäнèнъ Омаксè Апостоликсè. Савли ристiйгèзè Дамаскисъ и тули гуолèваксè Христанъ усконъ санелiяксè, и сай нименъ Пуавиланъ.
Корнилiй, сода-пiäликкöмiэсъ Риманъ содавäйнъ, кудай эй оллухъ опастèтту пухтагахъ ты̀эдохъ ойқiэнъ Юмаланъ, но кудай муйтèнъ оли мiэсъ юмалаллинè и гӱвäнъ-луадiя, Ангелинъ неувондуа-мӱö, кучуй иченъ-луо Апостолинъ Педринъ, ётта куулта гäнèсъ, куй войби суа спуасенню. Конзу Педри гäнèлэ и тойзилэ гäнèнъ-луо олiёйлэ санèли Iисусанъ Христанъ муоккiй, куолèндуа и элäвӱнды̀ä и спуасеннянъ суандуа усконъ каутè Гäнèнъ-пiäлè, Пӱгä Генқи тули кайккièнъ-пiäлè, кудаматъ куултыхъ нè санатъ. Педри ристiй гèйя̈тъ и сы̀тъ айясъ рувèтты̀хъ санèлèмахъ Христуа эй-вай Iуделойлэ, но и пақанойлэ.
Апостоли Пуавилъ санèли проповѣдилой монилэ пақанойлэ, энимäлъ монилэ Грекалайзилэ родукуннойлэ.
Азèтèттависъ кириккöлöйсъ, Таинствойнъ тоймитуксèксè и Христанъ опастуксèнъ неувомизèксè, Апостолитъ панды̀хъ Архiiерейлой, паппилой и дiаконой.
Х

Краткая Священная исторiя. Pyhien Apostoloin toimitukset

карельский: ливвиковское наречие
Старописьменный ливвиковский
Pyhien Apostoloin toimitukset.

Toizel aigua, konzu Apostoli Pedri tervehtytti ramban inehmizen Jerusaliman kirikön uksen luo, i konzu sidä kummua kaččomah juoksi rahvas, myöstei yhtel propovedil Pedri kiändi Hristah viizi tuhattu hengei.
Iudeit, kudamat ei uskottu Hristah, tahtottih keskustua Hristan opastuksen leviemisty i sendäh ruvettih vaivuamah enzimäi Apostoloi, a jälles i toizii Hristah uskojii Jerusalimas. Apostolit tirpettih tyr’mis vaivuamizet i kibiet; a enzimäine diakon Stefan oli tapettu kivilöil.
No Jumal sen vaivuamizen kiändi Ristikanzoin uskon hyvyökse, sendäh kui ne uskojat, vaivuamizen täh, paittih iäres Jerusalimas, i levitettih Hristan opastustu toizis paikois.
Savli, yksi vaivuajis, Damaskih mennes, nägi avaunnuos taivahas Hospodin Iisusan, Kudai sanoi hänele: Savli, Savli! mikse Minuu vaivuat? Täl jiävindäl Hospodi Iče kiändi Savlin omah uskoh i pani hänen Omakse Apostolikse. Savli ristiiheze Damaskis i tuli huolevakse Hristan uskon sanelijakse, i sai nimen Puavilan.
Kornilii, sodapiälikkömies Riman sodaväin, kudai ei olluh opastettu puhtahah tiedoh oigien Jumalan, no kudai muiten oli mies jumalalline i hyvänluadija, Anhelin neuvondua myö, kučui ičen luo Apostolin Pedrin, jotta kuulta hänes, kui voibi sua spuasen’n’u. Konzu Pedri hänele i toizile hänen luo olijoile saneli Iisusan Hristan muokkii, kuolendua i elävyndiä i spuasen’n’an suandua uskon kaute Hänen piäle, Pyhä Hengi tuli kaikkien piäle, kudamat kuultih ne sanat. Pedri ristii heijät i sit aijas ruvettih sanelemah Hristua ei vai Iudeloile, no i paganoile.
Apostoli Puavil saneli propovediloi monile paganoile, enimäl monile Grekalaizile rodukunnoile.
Azetettavis kirikkölöis, Tainstvoin toimituksekse i Hristan opastuksen neuvomizekse, Apostolit pandih Arhiereiloi, pappiloi i diakonoi.

Краткая Священная история. Деяния Святых Апостолов

русский
Деяния Святых Апостолов.

В другое время, когда Апостол Петр исцелил хромого у двери храма Иерусалимского, и на это чудо сбежался народ, опять одною проповедью Петр обратил к Христу пять тысяч человек.
Неверующие Иудеи, желая воспрепятствовать распространению учения Христова, воздвигли гонение сперва на Апостолов, а потом и на прочих верующих в Христа в Иерусалиме. Апостолы претерпели заключение в темнице и раны; а первый диакон Стефан был побит камнями.
Но Бог обратил это гонение в пользу Христианства, потому что ушедшие из Иерусалима, по причине гонения, распространяли учение Христово в других местах.
Савл, один из гонителей, идя в Дамаск, внезапно увидел в открытых небесах Господа Иисуса, который сказал ему: Савл, Савл! Зачем меня гонишь? Этим явлением Господь Сам обратил к Себе Савла и сделал его Своим Апостолом. Он крестился в Дамаске и сделался ревностным проповедником веры Христовой, под именем Павла.
Корнилий, сотник Римского войска, не просвещенный чистым познанием истинного Бога, впрочем набожный и благотворительный, по наставлению Ангела, призвал к себе Апостола Петра, чтобы услышать от него слово спасения. Когда Петр ему, и бывшим у него проповедовал о страдании, смерти и воскресении Иисуса Христа, и о спасении верою в Него, Дух Святой сошел на всех слышавших слово. Петр крестил их, и с того времени стали проповедовать Христа не только Иyдеям, но и язычникам.
Апостол Павел проповедовал многим языческим народам, особенно многим племенам Греческим.
В учреждаемых церквях, для совершения Таинств и преподавания учения Христианского, Апостолы поставляли Епископов, пресвитеров и диаконов.
Х
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков