Тексты
Вернуться к списку | редактировать | удалить | Создать новый | Статистика | ? Помощь
Alina Gapejeva. “Vepsäläzen” elävy syväin
Alina Gapejeva
“Vepsäläzen” elävy syväin
карельский: ливвиковское наречие
Новописьменный ливвиковский
Luonnon
helmas , kus čomas kohtas Ol’okan da Jessoilan mečät pietäh omii peittomielii , curčettau silmykaivovezi , kudai rodih jo rahvahah niškoi eloksen da muston merkikse .
Tämä silmykaivo on rouno elävy syväin , on kiini Valerii Ždanovičas , kudaman eloksenlangu katkei Erillizen voinuoperatsien alovehel .
Vuvvennu 1960 rodivunnuon Valerii Jevgenjevič Ždanovičan lapsus - da nuorusaigu meni Säpsän kyläs , ga löydi ruavon da perehtyi mies Jessoilas .Kyläs häi kazvatti kaksi tytärdy da poijan , sie häi löydi ruavon PMK-10-laitoksel .Hänen "kuldazet " käit oldih harjavunnuot ruadobrujih .Häi oli luja da rutto mies , ga syväin paloi luondoh , meččäh , kudai toi hänele hyviä mieldy .Mečäs , puuloin keskes , häi oli rauhas , keräi gribua da marjua , ajatteli midätahto , rauhoitui .Elettylöin vuozien aigah oli iluo da gor’ua , joga menestys da hairahtus jätti oman jällen miehen syväimeh , ga meččy andoi hänele hengittiä tävvel ryndähäl .
Kerran , yksinäh mečäs olles , Valerii nägi ojazen , kudai čurčetti mäin paltiel .Kirkas vezi , kudaman häi ammuldi käil , ozuttihes parandajakse .Juvves häi tunzi , kui rungu da hengi täytytäh voimal .Silloi rouno vägehes händy kenlienne ruatutti : Valerii rubei puhtastamah silmykaivuo sammales .Vezi rubei läikkymäh päiväzen sugahis , rouno kiittäjen omua piästäjiä .
Sit aijas silmykaivo rodih Valerijah niškoi erinomazekse kohtakse .Häi alalleh kävyi sen luokse : kabrasteli kivilöi , polletteli troppastu silmykaivole , ku toizetgi voidas kävvä viele .Häi mielihyväl saneli omamualazile omas lövvös Jessoilan da Ol’okan välis .
Elokuus 2024 Valerii Jevgenjevičan elos ruttoh muutui : häi lähti Erillizele voinuoperatsiele , yhtyi motoammundujoukkoh .Frontal hänele pandih liigunimi "Veps " (kar . – "Vepsäläine ").Kurskan alovehel , jygien bojun aigah , hänen joukko puutui artilierien ammundah .Puolistajen joga metrii muadu , joga kodii , "Vepsäläine " sai surmallizen ruanan .Sil hetkel , konzu bul’ku katkai hänen eloksen , hänen hajus huškai vikse kogo hänen elos , silmien ies oli se samaine silmykaivo , hänen "elävy syväin ", kirkas , elävy vezi …
Valerii Ždanovičan omahizet da omamualazet jatketah hänen hyviä ruaduo kunnostajen silmykaivuo .
Elävy vezi
Jessoilan eläjät viettih silmykaivon vezi anualizah , suadih kodvan vuotetut tulokset .
– Hyvät omamualazet ! Myö annoimmo silmykaivoviet anualizah Karjalan tazavallan Gigijenan da epidemiolougien keskukseh .Tulokset ollah valmehet : silmykaivovezi vastuau kaikkii sanituarunormii , on juodavu , ilmoitettih erähäs Jessoilan VK-joukos .
– Myö muamanke jo ammui tahtommo luadie sen , a konzu silmykaivo rodih kuulužakse , maksoimmo anualizas , sanou Valerijan poigu Nikolai Ždanovič .
Paikallizet aktivistat tahtotah jatkua ruaduo silmykaivon kunnostamizekse .Pluanois on luadie troppu silmykaivole vie mugažembakse .Nygöi silmykaivole suau astuo puulaudoi myöte , kudamat azetettih aktivistat .Tuliel aigua eläjät da paikalline administratsii huavatah luadie tiemerki "Silmykaivo ".
– Toinah silmykaivon piäle salvammo kovan . Innostunnuot rahvas avvutetah , sanou Nikolai .
Paikallizet rahvas sanotah , ku silmykaivovezi on erinomaine : se kodvan aigua säilyy , sit ei ole šakšuu , se ei pahene , rouno elävy .Jessoilan eläjät nygöi ollah varmat : se ei ole muite vai vezi , se on mečän elävy syväin , kudai tykkiäy mečänsuvaiččijan ristikanzan mustokse ."Vepsäläzen " silmykaivo rodih hänen eloksen da hänen tragiediellizen , ga rohkien surman simvolakse .
“Vepsäläzen” elävy syväin
карельский: ливвиковское наречие
Новописьменный ливвиковский