Тексты
Вернуться к списку | редактировать | удалить | Создать новый | Статистика | ? Помощь
Краткiй Катихизисъ. Uskon Simvoli
Краткiй Катихизисъ. Усконъ Символи
Краткiй Катихизисъ. Uskon Simvoli
карельский: ливвиковское наречие
Старописьменный ливвиковский
Uskon
Simvoli .
K .Kui jagetah uskon Simvoli ?
V .Kahten tostu kymmenen luvukse .
K .Kui lugietah enzimäine lugu uskon Simvolis ?
V .Minä uskon yhteh Jumalah Ižäh , Kaiken pidäjäh , taivahan i muan , nägyvän kaiken i nägymättömän Luadijah .
K .Mittuine uskon opastus on täs luvus ?
V .Täs on sen moine opastus :
1. Jumal on yksi .
2. Yksi olendua myö , Häi on kolmes Liičas .
3. Enzimäine Liičču Pyhän Stroičan on Jumal Ižä .
4. Se kolme yksinen Jumal luadi taivahan i muan , kaiken nägyvän i nägymättömän .
5. Jumal kai pidää Omas vallas i kaiken hoidaa .
K .Kui lugietah toine lugu uskon Simvolis ?
V .I yhteh Hospodih Iisusah Hristah , Jumalan Ainavoh Poigah , Kudai Ižäs rodiiheze ennen kaikkii igii , Valgieh Valgies , todeh Jumalah toves Jumalas , roinnuoheze , ei luajittuh , yhtes olemizes Ižän kere olijah , Kudaman kaute kai on luajittu .
K .Mittuine uskon opastus on täs luvus ?
V .Täs on sen moine opastus :
1. Toine Liičču Pyhän Stroičan on Jumalan Poigu Iisus Hristos .
2. Iisus Hristos on yksi vai Jumalan Poigu i ei ole toistu Jumalan Poigua moistu , kui Häi .
3. Jumalan Poigu on suadu Jumalas Ižäs ennen kaikkii igii i aigoi , i sendäh muga gi on igähine , kui Jumal Ižä .
4. Iisus Hristos on tozi Jumal , suadu toves Jumalas , i Ižän kere on yhty olendoa .
5. Jumalan Poigu ei ole luajittu , a Hänen kaute on kai luajittu .
K .Kui lugietah kolmas lugu uskon Simvolis ?
V .Kudai meijän täh inehmizien i meijän spuasen'n'an täh , tuli taivahas i otti miehen hibjan Pyhän Hengen kaute Muarjas Neidizes i tuli inehmizekse .
K .Mittuine opastus on nämmis sanois Jumalan Poijan täh ?
V .Nämmis sanois on sen moine opastus :
1. Jumalan Poigu tuli taivahas , otti Ičen piäle inehmizen luondon , se on , inehmizen hengen i hibjan , i tuli inehmizekse , i ei heittänyh olla Jumalannu i jiäviiheze muan piäl , kus on i nimitetty Iisusakse Hristakse .
2. Iisus Hristos rodiiheze mual Pyhäs Neidizes Muarjas , kudai tuli kohtuizekse Häneh Pyhän Hengen kaute i kudai ainos on Neidizennu .
3. Iisus Hristos tuli muan piäle sikse , jotta piästiä inehmizet riähkäs , kudamas hyö roitaheze i eletäh i surmas , kudamah hyö ollah miärätyt , alguen enzimäizes inehmizes .
K .Kui lugietah nelläs lugu uskon Simvolis ?
V .Oli nuaglittu ristan piäl meijän ies Pontiiskoin Piluatan aigua , i tirpi muokat , i oli hauvattu muah .
K .Mittuine täs on opastus Iisusan Hristan Jumalan Poijan täh ?
V .Täs on sen moine opastus :
1. Iisus Hristos oli nuaglittu ristan piäl , tirpi äijät i vaivat muokat , kuoli i oli hauvattu muah .
2. Kai net tirpi Häi ei Ičen täh , sendäh kui Häi ei ole nimis viäry i on täyvellizesti riähkätöin , no meijän täh , se on , Häi tirpi kai muokat kaikkien inehmizien riähkien ies , i saman kuolendan , jotta piästää meidy riähkäs i kuolendas .
K .Kui lugietah viides lugu uskon Simvolis ?
V .I elävyi kolmandennu päivänny kirjoi myö .
K .Mittuine on täs opastus Iisusan Hristan täh ?
V .Iisus Hristos kolmandennu päivänny kuolendan jälles elävyi ruuhes , kui se on kirjutettu Prorokoin kirjois .
K .Kui lugietah kuvves lugu uskon Simvolis ?
V .I nouzi taivahah , i istuu oigien puolen Ižiä .
K .Mittuine on täs opastus Iisusan Hristan täh ?
V .Iisus Hristos nellän kymmenendenny päivänny Oman elävyndän jälles nouzi hibjan kere taivahah i istuu oigiel puolel Jumalua Ižiä , yhten moizennu olles Hänen kere voimal i kunnivol .
K .Kui lugietah seiččemes lugu uskon Simvolis ?
V .I uvvessah tuloo kunnivon kere suudimah elävii i kuoleiloi , Hänen ValdaIkunnale loppuu ei tule .
K .Mittuine on täs opastus Iisusan Hristan täh ?
V .Iisus Hristos uvvessah tuloo taivahas kunnivon kere , sikse , jotta suudie kaikkii inehmizii , elävii i kuoleiloi , kudamat sentäh kai elävytäh .
K .Kui lugietah kaheksas lugu uskon Simvolis ?
V .I Pyhäh Hengeh , Hospodih , eländän andajah , Kudai Ižäs lähtöö , Kudai Ižän (kere ) i Poijan kere on kumardeltava i kiitettävä , Kudai pagizi Prorokoin kaute .
K .Mittuine uskon opastus on täs luvus ?
V .Täs on opastus Pyhän Hengen täh sen moine :
1. Pyhä Hengi on Kolmas Liičču Pyhän Stroičan .
2. Pyhä Hengi lähtöö Jumalas Ižäs .
3. Pyhä Hengi yhtes Jumalan Ižän i Poijan kere , andaa eländän eläjile , erikseh hengellizen eländän inehmizile .
4. Pyhäle Hengele on annettava yhten moine Ižän i Poijan kere kumardus i kunnivo , kui tovele Hospodile i Jumalale .
5. Konzu Prorokat i Apostolit saneltih Jumalan valdua inehmizile , eiga konzu kirjutettih Pyhii kirjoi ; silloin hyö paistih Pyhän Hengen nevvondua myö .
K .Kui lugietah yheksäs lugu uskon Simvolis ?
V .Yhteh Pyhäh , kogo muallizeh i Apostol'skoih Kirikköh .
K .Mittuine täs on opastus ?
V .Oigei Ristikanzoin Kirikkö (se on Hristah uskojien yhtes olendu ) on yksi , Pyhä , kogo mualline i Apostol'skoi , se on , kudai Apostolois keskustelemata i muuttelemata jatkui i on jatkuja muailman loppussah ; i sendäh pidää händy kunnivoittua , kuunella i jogahizele pidää vardoija iččie yhten oigien uskon Kirikön eruomizes .
K .Kui lugietah kymmenes lugu uskon Simvolis ?
V .(Minä ) tunnustan yhten Ristindän riähkien prostimizekse .
K .Mittuine opastus on täs luvus ?
V .Täs on opastus Pyhän Ristindän Tainstvan täh i on annettu käsky joga uskojale ristiekseheze yksi kerdu .
K .Mindäh ristindy nimitetäh Tainstvakse ?
V .Sendäh , jotta sit taino , nägemätä toimittaa Jumalan armo .
K .Paiče ristindiä ongo vie toizet Tainstvat ?
V .Kaikkii Tainstvoi on seiččemen :
1. Ristindy ,
2. Miirol voijandu ,
3. Pyhien otandu ,
4. Riähkien sanondu ,
5. Papikse panendu ,
6. Venčaičendu ,
7. Svätityl puu voil voijandu .
K .Mis seizoo Ristindy ?
V .Sit , jotta uskoju inehmine kolme kerdua upotteleh vedeh , Ižän , i Poijan , i Pyhän Hengen nimeh .
K .Mikse inehmine ristiheze ?
V .Sikse , jotta taino puhastuo riähkis i sua armoitetun eländän .
K .Mis seizoo Miirol voijandu ?
V .Sit , jotta ristitty inehmine voijetah Pyhäl miirol , tainoloin sanoin sanojes : pyhän Hengen lahjan painamine .
K .Mis seizoo Pyhien otandu ?
V .Sit , jotta uskoju leivän nävys ottaa samua Hristan hibjua , i viinan nävys samua Hristan verdy .
K .Min hyvyön sua Pyhien ottaju ?
V .Häi yhtyy Hristan kere i Hänen kaute tuloo igähizen hyvän eländän ozaniekakse .
K .Mis seizoo Riähkien sanondu ?
V .Sit , jotta riähkävynnyh inehmine jälles Ristindiä tunnustaa omat riähkät Papin ies , i hänen kaute sua prošken'n'an Ičes Iisusas Hristas .
K .Mis seizooo Papikse panendu ?
V .Sit , jotta Arhierein käin piän piäle panendan kaute annetah vallitule miehele valdu toimittua tainstvoi .
K .Mis seizoo Venčaičendu ?
V .Sit , jotta miehen i naizen mieli tahtuo myö , heijän yhtys blagoslovitah Kirikös sih tabah kui on Hristan yhtys Kirikön kere .
K .Mis seizoo Svätityl puu voil voijandu .
V .Sit , jotta voimatoi inehmine voijellah Svätityl puu voil , i kučutah hänen piäle tervehtyttäjä armo .
K .Kui lugietah yhtestostu kymmenes lugu uskon Simvolis ?
V .Vuotan kuoleloin elävyndiä .
K .Mittuine täs on opastus ?
V .Kai kuolluot inehmizet , Jumalan miärätyl aigua , elävytäh hibjoin kere , kudamat jo roitaheze happanemattomat i rikkomattomat .
K .Kui lugietah kahtestostu kymmenes lugu uskon Simvolis ?
V .I tulijan ijän eländiä .
K .Mittuine täs on opastus' ?
V .Jälles kaikkien inehmizien elävyndiä i jälles Hristan suudoo tuloo loppematoi eländy ; sit uskojat i loppenuot mua eländän riähkien sanojen i hyvin , jumalallizesti eläjen suah igähizen hyvän eländän , a ei tunnustunnuot riähkäniekat roitaheze pannuot igähizeh muokkamizeh .
Краткiй Катихизисъ. Uskon Simvoli
карельский: ливвиковское наречие
Старописьменный ливвиковский