Тексты
Вернуться к списку | редактировать | удалить | Создать новый | Статистика | ? Помощь
Valentina Libertsova. Lundu panou...
Valentina Libertsova
Lundu panou...
карельский: ливвиковское наречие
Новописьменный ливвиковский
Myöstin
eule undu ,
Pihal panou lundu …
Taivas valpas-harmai ,
Pilvetöi ,
Tiähtitöi ,
Vaigu lundu andai ,
Pahua siädy kandai .
Kivoksii vai painai ,
Vikse , aijan kaimai .
Panou lundu päivän ,
Yölgi – oman verran .
Katoi tiet dai levot ,
Tuhjot , puut dai pellot .
Umbai joven rannan ,
Peitti suuren linnan .
Mieleh astuo yksinäh ,
Kuni lundu panou ,
Lumitiähtii keriämäh ,
Anna hengi paranou …
Vaigu lundu panou
Omal mual dai vierahal ,
Sie , kus hirvieh toratah ,
Nuorii miehii tapetah ,
Siegi tuhut ulvotah ,
Peittoverkot sevotah ,
Mašinoispäi kiškotah ,
Veriät viluh avatah .
Lundu panou kaikkiele ,
Tuou hyviä mieldy kaikile .
Vedäs viestin Jumalale :
Anna rauhua rahvahale .
Sit vois yöt kai muata
Huoleta da varavota ,
Suaha hyviä mieldy ,
Kuni panou lundu …
Lundu panou...
карельский: ливвиковское наречие
Новописьменный ливвиковский