Тексты
Вернуться к списку | редактировать | удалить | Создать новый | Статистика | ? Помощь
Краткiй Катихизисъ.
Краткiй Катихизисъ. Юмаланъ Спуасанъ малитту
Краткiй Катихизисъ.
карельский: ливвиковское наречие
Старописьменный ливвиковский
Jumalan
Spuasan malittu .
K .Kui voibi jagua Jumalan Spuasan malittu ?
V .Kuččumizeh , seiččemeh pakiččimizeh i kiittämizeh .
K .Kui lugietah kuččumine ?
V .Ižä meijän , Kudai olet taivahas .
K .Mindäh Iisus Hristos käski meile kuččuo Jumalua Ižän nimel ?
V .Sendäh , jotta myö seizozimmo Jumalan ies molijossah ei vai varaten , kui nevol'niekat Herran ies , no i suvaiten i armon vuottajen , kui lapset Ižän ies .
K .Kui lugietah enzimäine pakiččimine Spuasan malitus ?
V .Pyhitetty olgah Sinun nimi .
K .Midä myö tämän kaute pakičemmo Jumalas ?
V .Pakičemmo Hänen abuu sikse , jotta meile malitun kere pidiä mieles Hänen Pyhiä nimie i mainita suul ; muga gi , jotta pyhil toimituksil i eländäl avuttua ližetä Hänen kunnivole inehmizien keskes .
K .Kui lugietah toine pakiččimine Spuasan malitus ?
V .Tulgah Sinun Valda kundu .
K .Midä myö tämän kaute pakičemmo Jumalas ?
V .Pakičemmo Jumalan abuu , jotta ei olis meijän syväimis riähky , no jotta Jumalan Hengi vardeilis i viettäs meidy hyvyöh i ozakkahah eländäh .
K .Kui lugietah kolmas pakiččimine Spuasan malitus ?
V .Olgah Sinun valdu , kui taivahas muga i mual .
K .Midä myö tämän kaute pakičemmo ?
V .Tämän pakiččimizen kaute myö tuommo oman vallan Jumalale lahjakse i pakičemmo , jotta Häi luadis meijän kere , midä Häi tahtoo , Omua mieldy myö ; kuga gi ; jotta i muut inehmizet rakkahasti kuuneltas Hänen valdua mual , kui täyvvellizesti kuunelah sidä Anhelit taivahas .
K .Kui lugietah nelläs pakiččimine Spuasan malitus ?
V .Leiby meijän jogapäiväine anna meile täkse päiväkse .
K .Midä myö tämän kaute pakičemmo ?
V .Pakičemmo , jotta Jumal , hyviä Omua huolenpiduo myö , meile lahjois sen , mi meile pidää olla , jotta myö voizimmo eliä , se on : syömizen , sovan , eländy tilan ; a sidä pakičemmo vai täkse päiväkse , lijata huoleta tulijan aijan täh , sendäh kui moine huolen pido olis vasten toivoh Jumalan piäle .
K .Kui lugietah viides pakiččimine Spuasan malitus ?
V .I jätä meile vellat meijän , kui i myö jätämmö velguniekoile meijän .
K .Midä myö tämän kaute pakičemmo ?
V .Pakičemmo , jotta Jumal prostis meile riähkät meijän , kui i myö prostimmo niidy , ket ollah viärät meijän ies , eiga abeittih meidy .
K .No mi tuloo , konzu myö emmo prosti toizii ?
V .Silloin myö iče gi emmo voi vuottua prošken'ua Jumalas ; i sendäh vältömättömästi pidää prostie abied i eččie sovindoo jogahizen kere .
K .Kui lugietah kuvves pakiččimine Spuasan malitus ?
V .I älä vietä meidy riähkin yritykseh .
K .Midä myö tämän kaute pakičemmo ?
V .Pakičemmo , jotta Jumal ei andas kehnole valdua mil tahto taval kielastua meidy i viettiä riähkäh .
K .Kui lugietah seiččemes pakiččimine Spuasan malitus ?
V .No piästä meidy pahas .
K .Midä myö tämän kaute pakičemmo ?
B .Pakičemmo , jotta Jumal piästäs meidy kaikes pahuos i vahingos .
K .Kui lugietah kiittämine Spuasan malitus ?
V .Sendäh kui Sinun on Valda kundu , i vägi , i kunnivo , kaiken ijän .Amin’ .
K .Mindäh tämä ližätäh malittuh ?
V .Sendäh , jotta se , ken moliheze , pakiččis ičele ei vai armuo Jumalas kaiken voimallizes i kaiken pidäjäs , no andas gi Hänele kunnivon , kudai Hänele oigiesti annettava on .
K .Mi se on sana Amin’ ?
V .Sana pyhä , lujuaju : se on : tozi , eiga , olgah muga .
Краткiй Катихизисъ.
карельский: ливвиковское наречие
Старописьменный ливвиковский