Тексты
Вернуться к списку | редактировать | удалить | Создать новый | Статистика | ? Помощь
Краткiй Катихизисъ. Kymmenen Jumalan käskylöin täh
Краткiй Катихизисъ. Кӱмменèнъ Юмаланъ кäскӱлöйнъ-тäхъ
Краткiй Катихизисъ. Kymmenen Jumalan käskylöin täh
карельский: ливвиковское наречие
Старописьменный ливвиковский
Kymmenen
Jumalan käskylöin täh .
K .Mittuine on enzimäine käsky Jumalan zakonas ?
V .Minä olen Hospodi Sinun Jumal , ei pie olla sinul toizii Jumaloi , paiče Minuu .
K .Midä käsköö Jumal täl käskyl ?
V .Täl käskyl Jumal käsköö meile :
1. Mielel meijän tiediä Händy .
2. Syväimel meijän uskuo Häneh , toivuo Hänen piäle i suvaija Händy .
3. Suul meijän tunnustua i kiittiä Händy .
4. Kaikel meijän olendol kumardella Hänele i kaikel väil jumalallizesti kuunella Händy .
5. Paiče yhty tottu Jumalua ni mittumii valeh jumaloi ei tunnustua i ei kunnivoittua i , kunnivuo , kudai on annettava yhtele Jumalale , luajittuloile ei andua .
K .Kui pidää ajatella Pyhien Anheliloin i pyhien miehien kunnivoitandan täh ?
V .Heidy pidää kunnivoittua ei muga , kui kunnivoitammo Jumalua , no kui Jumalan kuundelijoi , kudamat voijah tuoksendella meijän malitut Jumalan edeh i meile suaksendella Hänen armuo ; sendäh i abuu Jumalas pidää pakita heijän kaute .
K .Mittuine on toine Jumalan käsky ?
V .Älä azu ičele valeh Jumalan kuvua i ni mittumua sen nägyö , mi on taivahas ylähän , i mi on mual alahan , i mi on vezis muan al ; älä kumardele heile , älä go kunnivoita heidy .
K .Midä kieldää Jumal täl käskyl ?
V .Kieldää kumardella idoloile .
K .Mi se on idoli ?
V .Luajittu kuva min tahto luajitun kalun , eiga , min tahto valeh jumalan , kudamale kumardellaheze toven Jumalan sijas .
K .Kui pidää ajatella obrazoin kunnivoitandan täh ?
V .Obrazat , se on , toven Jumalan hibjan nävys i Hänen Pyhien miehien kuvat , pidää olla sikse , jotta muistua Jumalan i Pyhien miehien dielot i moliekseheze obrazoin ies pidää Jumalale i Pyhile miehile .Kuitengi tämä oigei i pyhä obrazoin kunnivoitandu voibi kiändyö valeh jumaloin kunnivoitandu – riähkäkse , konzu ken pyhile obrazoile kaiken oman kunnivoitandan andaa i heijän kalun piäle toivoo , a ei ylendä mieldy i syväindy sih , mi heijän piäl kuvil painettu on .
K .Mittuine on kolmas Jumalan käsky ?
V .Älä mainiče Hospodin sinun Jumalan nimie tuhjiä .
K .Midä kieldää Jumal täl käskyl ?
V .Kieldää mainita Jumalan nimie tyhjiä .
K .Konzu bo voibi mainita Jumalan nimie ?
V .Voibi mainita Jumalan nimie malitus , Jumalan opastukses , vannojes i pris'uagois valdu miehien käskyy myö , i se gi varaten i malitun kere .
K .A voibi go ainos paistes vannota ?
V .Ei voi .Se on vasten kolmanden Jumalan käskyn .
K .Mittuine on nelläs Jumalan käsky ?
V .Muista suovattu päivy , jotta sen pyhittäzit : kuuzi päiviä rua , i toimita (niinny ) kai sinun dielot , seiččemendenny bo päivänny on Hospodin sinun Jumalan suovattu .
K .Midä käsköö Jumal täl käskyl ?
V .Kuuzi päiviä nedälis ruadua i toimittua dieloloi , mittumih ken on pandu , a seiččemes päivy pyhittiä Jumalale , se on , erikseh panna malitule , Jumalan opastuksile i jumalallizile toimituksile .
K .Mindäh pidää pyhittiä Jumalale seiččemes päivy ?
V .Sendäh jotta Jumal luadi muailman kuvves päiväs , a seiččemendenny päivänny lebäi kaikis omis dielolois .
K .Kudai nimittäjen seiččemes päiväs pidää pyhittiä ?
V .Ennen vanhas pyhitettih suovattu : a sit aijas , kui Hristos elävyi , Ristikanzoin Kirikkö pyhittää Pyhän päivän .
K .Ei go vie ole päivii , kudamat pidää pyhittiä Jumalale ?
V .On .
Enzimäizekse , Hospodin pruazdniekat .
Toizekse , Pyhän Jumalan Emän pruazdniekat .
Kolmandekse , Pyhien miehien pruazdniekat .
Nelländekse , pyhähizet päivät , kudamat pyhittiä pidää hyväl eländäl Kirikön azetustu myö .
K .Mittuine on viides Jumalan käsky ?
V .Kunnivoita omua ižiä i omua emiä , jotta hyvys sinule tulis i jotta viikon eläzit sinä muan piäl .
K .Midä käsköö Jumal täl käskyl ?
V .Käsköö kunnivoittua ižiä i emiä i kuunelta heidy .
K .Yksii go ižiä i emiä kunnivoittua pidää ?
V .Tädä gi käskyy myö kunnivoittua pidää niidy , kudamat mones kohtas ollah meile ižän i emän sijas , nimittäjen :
1. Kuningastu , kui kaiken rahvahan i valda kunnan Ižiä .
2. Pappiloi , i hengellizii opastajii .
3. Vanhembii ijäl .
4. Kazvattajii i hyvän luadijoi .
5. Piälikkö miehii i herroi .
K .Mittuine on kuvves Jumalan käsky ?
V .Älä tapa .
K .Midä kieldää Jumal täl käskyl ?
V .Kieldää ottamas inehmizil hengen iäres vägivallal eiga viizahuol i kaikkeh luaduh rikkomas lähimäizen varattomuon i rauhuon ; i sendäh täl käskyl kieletyt ollah muga gi riidat , suutundu , viha , vihan piendy i kova taba .
K .Mittuine on seiččemes Jumalan käsky ?
V .Älä elä vierahan naizen kere .
K .Midä kieldää Jumal täl käskyl ?
V .Kieldää vierahan naizen kere eländän , eiga kaiken pahan hibju riähkän , a muga gi kaiken , mi voibi livuttua sen riähkän , kui se : lijasti viinan juondan , huigiettomat sanat i hibjan lekutandat , pahoin kirjoin luvendan , i pahoin pajoloin kuundelendan , pahoin kuvien i näytöksien kačondan .
K .Mittuine on kaheksas Jumalan käsky ?
V .Älä varrasta .
K .Midä kieldää Jumal täl käskyl ?
V .Kieldää ottamas ičele vierastu kaluo vägivallal , eiga viizahuol .
K .Mittuine on yheksäs Jumalan käsky ?
V .Älä sano sinun lähimäizen piäle viäriä tovestustu .
K .Midä kieldää Jumal täl käskyl ?
V .Kieldää viärin tovestamas kenen tahto piäle suvvos , eiga suvvota kenen tahto piäle viärin pagizemas , huiguamas i haugumas silmis , eiga silmien tagua , i mittumas tahto dielos , kielastelemas i muanittelemas .
K .Mittuine on kymmenes Jumalan käsky ?
V .Älä tahto ičele sinun lähimäizen mučoidu , älä tahto sinun lähimäizen kodii , ei go hänen pelduo , ei go hänen kazakkua , ei go hänen käskylästy , ei go hänen härgiä , ei go hänen hebuo , ei go toizii hänen elävii , ei go midä , mi on sinun lähimäizen .
K .Midä kieldää Jumal täl käskyl ?
V .Kieldää ei yhty vai pahua luadimas , no i pahua tahtomas i pahua ajattelemas , sendäh kui pahois ajatuksis i tahtomizis ei puuttuo pahoih dieloloih .
K .Kui pidää vardeilla iččie pahois dielolois , tahtomizis i ajatuksis ?
V .Pidää ainos muistua , jotta Pyhä , Oigei suudiju i Kaiken voimakas Jumal heittelemätä meidy nägöö ; i sendäh riähkän ajatelles pidää paista Osipan kere , Izrailin poijan : kui minä luajin tämän pahan sanan i riähkävyn Jumalan ies .
Краткiй Катихизисъ. Kymmenen Jumalan käskylöin täh
карельский: ливвиковское наречие
Старописьменный ливвиковский