Тексты
Вернуться к списку | редактировать | удалить | Создать новый | Статистика | ? Помощь
Filimonkova Jana . Muusikot opaššuttih karjalua Kipinän kera
Filimonkova Jana
Muusikot opaššuttih karjalua Kipinän kera
карельский: собственно карельское наречие
Новописьменный севернокарельский
Kipinä-kuvalehen toimittajat käytih
Helmer Sinisalon musiikkikoulušša , missä opaššettih lapšilla ta aikuhisilla karjalan kielen alkeita .
Kipinä-lehen oppitunnit koululaisien kera jatutah .Pimiekuun lopušša kuvalehti järješti karjalan kielen oppitunnin Petroskoin Helmer Sinisalolla nimitetyššä lapšien musiikkikoulušša .Tunnilla tytöt ta pojat omien vanhempien kera šuatih tietyä Karjalan tašavallan vähemmistökielisien julkaisujen toiminnašta ta tutuššuttih karjalan kieleh šuorittamalla lehtitoimitukšen valmissettuja tehtävie .
Koululaiset ta aikuhiset nähtih , mimmosie eroja on Karjalan vähemmistökielien välillä ta opittih musiikkiaihieh liittyvyä karjalankielistä šanaštuo .
– Šentäh kun elämmä Karjalašša , on tärkietä popularisoija šen vähemmistökielie ta kertuo nuorilla tašavallan moninaisuošta . Yhet luvetah karjalua peruškoulušša , toiset ei , ka šemmoset kielitunnit autetah ymmärtyä , mitä kieltä kantatuatot paistih , mitein kieli kehittyy nyt ta mitein šitä voipi käyttyä arkielämäššä , koroštau musiikin opaštaja Jekaterina Malejeva .
Oppitunti järješšettih ošana 3. yleisvenäläistä Karjalaisien runojen šeutu -kilpailuo Helmer Sinisalon 105-vuotisjuhlan kunnivokši .
Muusikot opaššuttih karjalua Kipinän kera
карельский: собственно карельское наречие
Новописьменный севернокарельский