Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Hellien käsien meštaruš
Nadežda Vasiljeva
Hellien käsien meštaruš
карельский: собственно карельское наречие
Новописьменный севернокарельский
Harraššuškerhot ta
netälinloppuklubit jo ammuin tultih erottamattomakši ošakši meijän elämyä .Eri-ikäset ihmiset yhissytäh niih eri teemojen ta šuuntien mukah .Še voit olla keittotaito , istorija , urheilu , valokuvataito ta tietyšti luova työ .
Luajašti tunnetuiksi on tultu klubit , mih liitty šekä kanšankäyttötaijon muasterija ta niitä , ket vašta opaššutah šen luovan työn peruštehie .
Juuri šemmoni klubi tuanoin vietti oman kymmenenvuotisjuhlan .Kerhoh kuulutah aktiiviset naiset , ket omien šanojen mukah luuvvah , tikutetah ta telmitäh kalevalaisittain .
Kaikki alko Kaunehuš omin käsin -projektista , kumpani toteutettih Aurinko-sosialiapukeškukšešša .Vuuvven piäštä projekti piätty , a šen ošallistujilla jäi halu luuvva ta keräytyö yhteh .Nyt ajan mittah ei voi šanuo , kenellä tuli ajatuš jatkua klubin ruatuo ta šuunnatta šen toimintua luomistyöh .
Yksi asie on konša šie tikutat kaunehie kintahie tahi šukkie koissa , a toini asie on konša tulet omine töineh ta idejoineh kollektiivih .Šiinä voipi kehuo omua meštarutta , kuulla neuvoja klubin jäšeniltä ta lainata kokemušta .Še tapahtuu hyväššä ta yštävälliseššä ilmapiirissä .
Klubi šai oman uuvven Tikutamma , luomma , telmimmä kalevalaisittain -nimen .Šen nykyni johtaja Irina Lipkina onnitteli šamanmielisie kollektiivin enšimmäisellä merkitykšellisellä vuotisjuhlalla .Oli äijän muisselmie , muhahukšie ta hyvie toivomukšie .Töijen näyttely kerto klubin nykyelämäštä .Tilaisuš oli värikäš ta mukava .
– Ne kymmenen vuotta mäni niin ruttoh . Yhet tultih meijän kollektiivih , toiset jätettih še eri šyistä .Ka jäi šuurin oša meijän kollektiivie , mi oikein ihaššuttau .Kymmenen vuuvven aikana opaštuma uušie käsityölajija ta tekniikkoja , välittimä omua neruo ta taituo .Työpajojen pitämiseššä meitä autettih Marina Mastinen , Žanna Bil’ , Jelena Jeršova .Heijän apu oli oikein tärkie , šano Irina Lipkina .
Kymmenen vuuvven aikana klubin ošallistujien luajokšie monta kertua esiteltih eri näyttelyissä .Ne šuatih palkintoja eri käyttötaitokilpailuissa .Täh aikah kokenuot naiset iče vietetäh työpajoja piirikirjašton nuorilla lukijilla , Kalevalan kasnanhoitotoimiston ruatajilla , väliaikasen elinpaikan palvelukšie käyttäjillä kanšalaisilla .Šemmoset tapuamiset ollah pitälti vuotetut ta oikein tulokšekkahat .
Kalevalalaiset muasterit kiinitetäh erikoista huomijuo meijän šotilahih , ket ollah erikoisšotaoperatijon alovehella .Naiset ošallissutah rintamalla työnnettävien humanitarisien kuormien valmistamiseh .
Tikutamma , luomma , telmimmä kalevalaisittain -klubi eläy ta kehittyy .Vuotena 2015 projektin anšijošta šyntynyt aloteh on kašvan , lujennun ta šujuvašti mänöy tulovaisuoh .Luovan alotuškyvyn ta šinnikyön anšijošta ošallistujat ollah varmat , jotta še tulovaisuš antau luatie muailmua kaunehemmakši , hellemmäkši ta huolekkahammakši .
Hellien käsien meštaruš
карельский: собственно карельское наречие
Новописьменный севернокарельский