Тексты
Вернуться к списку | редактировать | удалить | Создать новый | Статистика | ? Помощь
Jiesuksen eläntä. Jiesus Getsemanissa
Jiesuksen eläntä. Jiesus Getsemanissa
карельский: собственно карельское наречие
Новописьменный севернокарельский
Illallisen
loputtuo Jiesus ta opastujat laulettih molintavirren .Siitä hyö lähettih Getsemanin meččikköh .Se oli Voipuutermällä lässä Jerusalimie .
Meččikössä Jiesus sano opastujilla : "Jiäkyä työ tähä siksi aikua kuni mie molin ".
Hiän otti matkah Pietarin , Juakon ta Iivanan ta mäni etemmäksi meččikköh .No mureh alko ahistua häntä ta hiän joutu tuskan valtah .Jiesus sano heilä : "Vuottakkua tässä ta valvokkua ".Hiän mäni iče vähäsen etemmäksi , heittäyty muah , moli ta sano : "Tuatto , kaikki on siun valta .Ota tämä mal’l’a miulta pois .Onnakko ei miun tahon mukah , vai siun ".
Siitä Jiesus nousi , mäni opastujien luo ta löysi heijät makuamassa .Hiän nosti heijät ta sano , jotta hyö valvottais ta molittais .Onnakko hyö ruvettih tuas makuamah .
Jiesus iče moli niin suuressa tusassa , jotta hiki nousi verenä .Kun hiän kolmannen kerran nousi molimasta , hiän mäni opastujien luo ta nosti heitä .
Juuri siih aikah tuli paikalla miehie , kumpasilla oli veičet ta kepit .Heilä oli suattajana Iuta , yksi Jiesuksen kahestatoista opastujasta .Miehet vankittih Jiesus ta vietih hänet matkahanse .
Jiesuksen eläntä. Jiesus Getsemanissa
карельский: собственно карельское наречие
Новописьменный севернокарельский