Тексты
Вернуться к списку | редактировать | удалить | Создать новый | Статистика | ? Помощь
Jiesuksen eläntä. Jiesus ristillä
Jiesuksen eläntä. Jiesus ristillä
карельский: собственно карельское наречие
Новописьменный севернокарельский
Jiesusta vastah ečittih
syitä , jotta hänet suatais surmata .Semmosie onnakko ei löytyn .Moni sano viärin häntä vastah , no tovessukset oltih passattomie .Lopulla ylipappi kysy Jiesukselta : "Oletko sie Jumalan Poika "?"Olen ", – vastai Jiesus .
Siitä ylipappi sano , jotta Jiesus häpäsi Jumalua .Kaikki Jiesuksen vihamiehet nyt oltih samua mieltä , jotta Jiesus oli viärä ta suau kuolennan .Hyö annettih Jiesus ruomalaisen piämiehen Pontius Pilatuksen tuomittavaksi .Pilatus anto hänet ensimen lyötäväksi ruoskalla , a siitä kuolomah .
Ruomalaiset sotilahat kuletettih Jiesuksen Golgofanimisellä paikalla .Sinne oli pissytetty kolme ristie .Sotilahat lyötih nuakloilla Jiesuksen keskimäiseh ristih .Samalla kertua hyö lyötih nuakloilla kaksi rosvoinikkua , yksi oikiella puolella , toini – vasemmalla puolella .
Rahvas seisottih kaččomassa ristihnuakluamista .Monihat herrat ta sotilahat nakrettih Jiesusta .Toini niistä ristihnuaklatuista niise nakro Jiesusta .Hiän sano : "Etkö sie ole Jumalan Poika ?Piässä nyt iččies ta meät "!A toini moitti häntä : "Myö olemma suanun oikien tuomion , onnakko Jiesus ei ole luatin nimitänä pahua ".I hiän sano : "Jiesus , muissa milma kun tulet valtakuntahas ".Jiesus vastai : "Tovessa , jo tänäpiänä olet miun kera rajussa ".
Keskipäivällä tuli pimeys koko mualla .Ta Jiesus karju lujalla iänellä : "Tuatto , siun käsihis annan mie henkeni "!
Sillä äijällä , kun Jiesus anto henken , repeyty jumalanpirtin väliverho ta tie avautu Jumalan luo , mua tärähteli ta kallivot halettih .Kun ruomalaini sotapiämies ta muut , ket vahattih Jiesusta , nähtih kaiken , mitä tapahtu , hyö pölässyttih ta sanottih : "Tämä oli tovella Jumalan Poika ".
Jiesuksen eläntä. Jiesus ristillä
карельский: собственно карельское наречие
Новописьменный севернокарельский