Тексты
Вернуться к списку | редактировать | удалить | Создать новый | Статистика | ? Помощь
Iisusan eländä. Iisusan šynnyndä
Iisusan eländä. Iisusan šynnyndä
карельский: собственно карельское наречие
Новописьменный тверской
Iisusan
, Jumalan Poijan , šynnyndä viidi näin : ših aigah , konža jevreit oldih Riman vallan alla , pohjarandazešša Izrailissa , pieneššä Nazarietan linnašša , eli nuori naine , kumbazen nimi oli Muarie .Hiän vieruičči Jumalua da šuačči händä täyvellä šiämellä .Kerran Muariella ožuttuačov Jumalan anheli .Anhelilla oli viesti Jumalašta .Muarie šuav poijan , kumbazella pidäv panna nimi Iisus .Anheli vielä šano hänellä , jotto täštä lapšešta , Jumalan Poijašta , lienöv kogonazen muailman Spasietel’a .
Muarie äijäldi pölläšty , kuin nämä šanat männäh todeh .Muarie rubei vuottamah lašta .Tämän jälgeh Jumala työndi anhelin Muarien šulahazen Ossipan luoh .Anheli šano Ossipalla , jotto Muarie ei ole viärä : lapši , kummast’a hiän vuottav , on inehmizin Spasietel’a .Jumala työndi hänen muailmah .Anheli käški Ossipalla ottua Muarie naizekši .
Ossippa luadi niin , kuin käški anheli .Ših aigah Riman čuari Augusta nakaži , jotto kogonazešša muakunnašša ois' pandu vevonmakšo .Ših varoin jogohizella pidi männä šinne , mistä oli hänen heimokunda da kirjuttuačie vedokirjoih .
Ossippa da Muarie , kumbazet oldih Davidačuarin rodukundua , lähtiettih Viflejemah , Davidan šynnyndäpaikkah .Pitän da jygien matkan jälgeh Ossippa da Muarie piäštih jälgiperäh šinne .Vain ennein heidä oli tullun kirjuttuačemah ylen äijä rahvašta , nin heilä ei löydyn paikkua matkatalošša .
Kun muuvalla ei ollun paikkua , nin Ossippa da Muarie löyvettih magavošijan huonehukšešša .Šielä Muarie šai lapšen , Iisusan .Muarie kabaloičči mladenčan da pani hänen maguamah heinähäkkih .
Iisusan eländä. Iisusan šynnyndä
карельский: собственно карельское наречие
Новописьменный тверской