Тексты
Вернуться к списку | редактировать | удалить | Создать новый | Статистика | ? Помощь
Iisusan eländä. Iisusan rissitetäh. Händä muanitellah pahah
Iisusan eländä. Iisusan rissitetäh. Händä muanitellah pahah
карельский: собственно карельское наречие
Новописьменный тверской
Iisus
oli läššä kolmenkymmenen vuuven igähine , konža hiän rubei tuomah hyvie viestilöidä Jumalan valdakunnašta da piäštämäh läzijie .Ennein ruavon alguo Iisus mäni Jordanajovella , missä Iivana Rissittäjä šaneli inehmizillä : "Elgiä riähkeydykkiä , vain kiändykkiä Jumalan puoleh ".Šidä hiän rissitti heidä .Iisus niinže tahto rissittiäčie .Iivana , kumbane šiämellä kuuli , ken Iisus oli , šano vaštah : "Šiego tulet rissitettäväkši ?Miula pidäis’ rissittiäčie šiušta "!Iisus šano : "Meilä pidäv luadie näin , jotto oliis’ Jumalan šanua myöt’ ".
Konža Iisus oli rissitetty , hiän nouzi veještä .Kerdah taivahat avauvuttih da Jumalan Hengi heittiäči , niin kun gul’une i istuoči Iisusan piällä .Taivahašta kuulu iäni : "Tämä on miun oma Poiga , kummast’a mie šuačen ".
Tämän jälgeh Iisus mäni tyhjih mualoih .Šielä hiän oli yksinäh da valmistuači ruguoliečiin i pyhittiän noužovah ruadoh .Konža Iisus oli pyhittän nelläkymmendä päiviä , hänellä lieni nälgä .Šilloin Sotona tuli hänen luoh da šano : "Kun olet Jumalan Poiga , nin käšše , jotto nämä kivet muututtais’ leiväkši ".No Iisus šano vaštah : "On kirjutettu : inehmine ei yhellä leivällä elä , vain jogo šanalla Jumalan šuušta ".
Vielä toizen kerran Sotona kuotteli murdua Iisusua luadimah hänen šanua myöt’ , vain Iisus ei kuunnellun .Lopukši hiän toivotti Iisusalla muailman kaikki muakunnat da kaikki niijen hyvyöt , kun Iisus šeizauduis’ polvuziin hänen edeh .Šilloin Iisus käški Sotonalla männä pois’ šanohuoh vielä , jotto hiän tahtov sluužie da pidiä šuurena vain Jumalua .Tämän jälgeh Sotona jätti Iisusan spokojah .Iisusan luoh tuldih anhelit , kumbazet piettih huolda häneh näh .
Iisusan eländä. Iisusan rissitetäh. Händä muanitellah pahah
карельский: собственно карельское наречие
Новописьменный тверской