Тексты
Вернуться к списку | редактировать | удалить | Создать новый | Статистика | ? Помощь
Iisusan eländä. Viizi leibiä da kakši kalua
Iisusan eländä. Viizi leibiä da kakši kalua
карельский: собственно карельское наречие
Новописьменный тверской
Kerran
Iisus mäni venehellä elämättömäh paikkah Galilejanjärven toizella puolella .Kuinollov inehmizet šuadih tietä , kunne Iisus oli mänemäššä , da äijä rahvašta läksi hänellä jällesti jalgatiedä myöt’ .Kun Iisus tuli šillä paikalla , äijä rahvašta jo vuotti händä .Iisusalla lieni žuali heidä , i hiän parennutti kaikki läzijät .
No šillä kohalla ei ollun eläjie , rubei hämärdymäh , da inehmizillä rodih nälgä .
Iisus kyžy opaššettavalda Hilipäldä : "Mistä voizima oštua leibiä , jotto inehmizet šyödäis’ "?Kyžynnällä Iisus kuotteli Hilippiä , žentän kun jo hiän tieži , midä tahtov luadie .
Hilippä ei mahtan šanuo Iisusalla .Hiän ei voinun maltua , mistä voiččiis’ löydiä leibiä tämän äijähyzellä rahvahalla .
Toine opaššettava , Pedrun velli Ondrei , šano Iisusalla : "Tiälä on briha , kumbazella on viizi ozrast’a möykystä da kakši kalua .Vain šidä ei fati tämän äijähyzellä rahvahalla ".
Iisus šano : "Käškekkiä kaikilla istuočie ".Šiinä oli hyvä nurmikko , da inehmizet istuočettih .Iisus otti ne viizi möykystä da kakši kalua , šano passibot Jumalalla da jago ne leivät i kalat opaššettavilla .Ne juattih šidä rahvahalla .
Kaikin šyödih kylläldi da jiännyzie paloida kerättih kakšitoista täyttä vakkua .Šyömäššä oli läššä viizituhattua mieštä da vielä naista i lašta .
Nähtyöh tädä diivua , inehmizet paistih : "Tämä on tožieh že Jumalan šananšuattaja , kumbazella pidi tulla muailmah ".
Iisusan eländä. Viizi leibiä da kakši kalua
карельский: собственно карельское наречие
Новописьменный тверской